नयाँ बानेश्वरमा एक युवकले लगाए आफ्नै ज्यानमा आगो

काठमाडौं । काठमाडौंको नयाँ बानेश्वरस्थित संसद भवन अगाडि एक युवाले आफैँमाथि लगाएर आत्मदाहको प्रयास गरेका छन् ।

मंगलबार दिउँसो इलाम पञ्चकन्याका ३६ वर्षीय प्रेम आचार्यले आफैँमाथि आगो लगाएका हुन् ।

जिल्ला प्रहरी परिसर काठमाडौंका प्रवक्ता एसपी दिनेशराज मैलानीले लोकपथलाई दिएको जानकारी अनुसार आचार्यलाई उपचारका लागि कीर्तिपुर अस्पताल लगिएको छ ।

‘खबर पाउनासाथ प्रहरी घटनास्थल पुगेको थियो । उनलाई थप उपचारको लागि कीर्तिपुर अस्पताल लगिएको छ ।’ मैनालीले भने ।

केही दिनअघि सुन्धारास्थित सिभिल मलमा पनि एक युवकले आफैँमाथि आगो लगाएर आत्मदाहको प्रयास गरेका थिए ।