गृहमन्त्री लामिछाने अमेरिकी नागरिक नै भएको वरिष्ठ अधिवक्ता भण्डारीको जिकिर

काठमाडौं । वरिष्ठ अधिवक्ता सुरेन्द्र भण्डारीले उपप्रधान एवं गृहमन्त्री रवि लामिछाने अमेरिकी नागरिक नै भएको दाबी गरेका छन् ।

सर्वोच्चको संवैधानिक इजलासमा लामिछानको नागरिकता विवादविरुद्ध परेको रिटमा बहस गर्दै वरिष्ठ अधिवक्ता लामिछानेले सो कुरा बताएका हुन् ।

उनले लामिछाने अमेरिकी नागरिकता त्यागेपछि नेपालको नागरिकता नलिएका कारण उनी सांसद हुन योग्य नरहेको समेत जिकिर गरे ।

अधिवक्ता रविराज वसौला र युवराज पौडेलले दायर गरेको रिटमाथि कामु प्रधानन्यायाधीश हरिकृष्ण कार्की नेतृत्वको संवैधानिक इजलासमा बहस भइरहेको छ । इजलासमा न्यायाधीशहरू ईश्वर खतिवडा, आनन्दमोहन भट्टराई, अनिलकुमार सिन्ह र प्रकाशमान सिंह राउत रहेका छन् ।