चितवनमा खाग काटिएको अवस्थामा गैँडा मृत फेला

चितवन । चितवनको कालिका नगरपालिका १ मा मृत अवस्थामा गैँडा फेला परेको छ ।

चतुरमुखी सामुदायिक वनभित्र सडेगलेको अवस्थामा खाग काटिएको गैडा मृत फेला परेको हो ।

गैँडालाई ६ महिना अगाडि चोरी शिकारीले मारेको हुनसक्ने आशंका डिभिजन वन कार्यालयले गरेको छ ।

डिभिजन वन कार्यालय चितवनले गैँडाको खप्पर र हड्डी मात्रै भेटिएको जनाएको छ ।

डिभिजन वन र चितवन राष्ट्रिय निकुञ्जको टोली पुगेर पोष्टमार्टम गरेको थियो ।