धनुषामा आज रातिदेखि नै मतगणना शुरू हुने

धनुषा  । धनुषामा मतगणना आज रातिदेखि नै शुरू गर्ने निर्वाचन आयोगले तयारी गरेको छ ।

मतपेटिका गणनास्थलमा पुगेपछि रातिदेखि नै गणना शुरू  हुने भएको हाे । सबै मतदान केन्द्रको मतपेटिका गणनास्थलमा पुगिसकेको छ ।

उनका अनुसार धनुषा निर्वाचन क्षेत्र नम्बर ३ को गणना जनकपुरधामस्थित महेन्द्र नारायण निधि भवनमा, निर्वाचन क्षेत्र नम्बर ४ को महेन्द्रनगरमा, निर्वाचन क्षेत्र नम्बर २ को औरहीमा र निर्वाचन क्षेत्र नम्बर १ को गणना धनुषाधाम १ मा गरिनेछ ।

“धनुषामा सबै निर्वाचन क्षेत्रको मतगणना आइतबार रातिदेखि नै सुरु हुन्छ,” उनले भने, “मतपेटिका गणनास्थलमा पुगेपछि गणना शुरू  गर्ने हामीले तयारी गरेका छौँ ।”

मतगणनास्थलमा सुरक्षा व्यवस्था कडा बनाइएको छ । बाँस र फलामको घेरा हालिएको छ । सीसी क्यमरा पनि जडान गरिएको छ । सर्मथकहहरूलाई सुन्नको लागि हर्न माइक र साउन्ड बक्सको व्यवस्था गरिएको छ ।