पक्राउ परेका एमाले उम्मेदवार निरौलाले भने, ‘कांग्रेसले समाजलाई आतंकित बनाउन खोज्यो’

मौन अवधिमा पैसा वितरण गरेको आरोपमा पक्राउ परेका एमाले उम्मेदवार दीपक निरौलाले कांग्रेसले समाजलाई आतंकित बनाउन खोजेको आरोप लगाएका छन् । प्रहरी नियन्त्रणमै रहेका उनले सामाजिक सञ्जालमार्फत बिरामी रहेका तोक्मान लामासँग कुराकानी गरिरहेका बेला अनावश्यक कुरा निकालेर आतंकित गर्न खोजिएको दाबी गरेका छन् ।

‘म क्यान्सर रोगबाट लामो समयदेखि बिरामी तोक्मान लामासँग कुराकानी गरिरहँदा अनावश्यक कुरा निकाली समाज आतडकित पार्ने कार्य नगरेको राम्रो हुन्छ’, उनले सामाजिक सञ्जलमार्फत भनेका छन् ।

आफू राजनैतिक प्राणी भएको र गैरराजनैतिक काम आफ्नो आदर्श नभएको निरौलाको जिकिर छ । उनले पैसा बाँडेको कुनै प्रमाण भए लिएर आउन पनि चुनौती दिएका छन् ।

शुक्रबार साँझ पैसा वितरण गर्न लागेको आरोपमा उनीसहित एमालेका कार्यकर्ताहरुलाई प्रहरीले नियन्त्रणमा लिएको थियो ।