सांसदहरु अनुपस्थित भएपछि चिकित्सा शिक्षा विधेयकको उपसमितिको बैठक स्थगित


लोकपथ
प्रकाशित मिति : १५ कार्तिक २०७५, बिहीबार ०७:३१

काठमाडौं । संसदको शिक्षा तथा स्वास्थ्य समिति अन्तर्गत चिकित्सा शिक्षा विधेयक माथि छलफल गर्न बनेको उपसमितिको बैठक स्थगित भएको छ । 

बिहीवार बिहान १०ः १५ बजे बोलाइएको उपसमिति बैठकमा सांसदहरु नै अनुपस्थित भएपछि आगामी मंसिर २ गतेसम्मलाई बैठक स्थगित गरिएको हो । 

बैठकमा शिक्षामन्त्री गिरिराजमणि पोखरेल भने उपस्थित थिए । 

उनले सिंहदरबारस्थित समितिको कार्यालयमा करिब एक घण्टा सांसदहरुलाई कुरेका थिए । एक घण्टामा पनि सांसदहरु नआउपछि शिक्षामन्त्री मन्त्रालय फर्केका थिए । 

विधेयक माथि छलफल गर्न मन्त्रीलाई डाकेर सांसद्हरु नै नआएपछि बैठक स्थगित भएको हो । 

बैठकमा सहभागी हुन उपसमितिका सदस्य सांसदहरु खगराज अधिकारी र एकवाल मियाँमात्र समितिको कार्यालय आएका थिए ।

सांसदहरु अञ्जना विंशेखे, भैरवबहादुर सिंह, योगेशकुमार भट्टराई, सन्तकुमार थारु, हितबहादुर तामाङ, उमाकान्त चौधरी, गगनकुमार थापा र चित्रलेखा यादव बैठकमा अनुपस्थित भएका थिए । उनीहरुलाई बैठकमा आउन बुधबार नै समितिको कार्यालयले खबर गरेको थियो ।

चिकित्सा शिक्षा विधेयकमाथि छलफल गरि प्रतिवेदन तयार पार्न समितिले ११ सदस्यीय समिति गठन गरेको थियो । उपसमितिका ५ जना सदस्य बुधबारकै बैठकमा उपस्थित थिए । उनीहरुकै सल्लाहअनुसार बिहीबार बिहानलाई बैठक बोलाइएको थियो । 
 

Tags :
प्रतिक्रिया दिनुहोस
नेपाल–भारत संयुक्त आयोग बैठकः सुस्ता र कालापानीको नक्शांकन गरिने (पूर्ण पाठ)

काठमाडौं । नेपाल–भारत संयुक्त आयोगको दुई दिने बैठक बिहीबार सकिएको छ । नेपाल

नेपाल–भारत परराष्ट्र मन्त्रीस्तरीय आयोगका बैठकबारे संसद्लाई जानकारी

काठमाडौं । परराष्ट्रमन्त्री प्रदीप ज्ञवालीले नेपाल–भारत परराष्ट्र मन्त्रीस्तरीय आयोगका बैठकमा ऊर्जा, जलस्रोत, अपराध

समाजवादी पार्टीकै सांसदद्वारा प्रदेश २ को राजधानी बिरगञ्ज हुनुपर्ने प्रस्ताव दर्ता

प्रदेश नम्बर २ को सतारुढ पार्टी समाजवादी पार्टीका एक प्रदेश सांसदले प्रदेशको राजधानी

राजसंस्थाको कुरा गर्नेहरू डायनासर जस्तै लोप भएर जान्छन्ः मन्त्री बाँस्कोटा

काठमाडौं । सूचना प्रविधि तथा सञ्चार मन्त्री गोकुलप्रसाद बाँस्कोटाले कसैले आराधना गर्दैमा राजतन्त्र