कोरोना अपडेट : ४६ जनामा संक्रमण पुष्टि हुँदा १७ जना निको

काठमाडौं । नेपालमा पछिल्लो २४ घण्टामा ४६ जनामा कोरोना संक्रमण पुष्टि भएको छ । आरटीपिसीआर विधिबाट १ हजार १ सय ८३ तथा एन्टीजेन विधिबाट १ हजार १ सय ४ गरि २ हजार २ सय ८७ जनामा गरिएको परिक्षणबाट ४६ जनामा संक्रमण पुष्टि भएको हो ।

संक्रमित ४६ जनामध्ये ४० जना आरटीपिसीआर र ६ जना एन्टीजेन विधिबाट फेला परेको स्वास्थ्य तथा जनसंख्या मन्त्रालयले जनाएको छ । मन्त्रालयका अनुसार सो अवधिमा कोरोनाबाट कसैको पनि ज्यान गएको छैन् ।

त्यस्तै, २३ हजार ९ सय ७२ जनाले कोरोना विरुद्धको खोप लगाएका छन् भने १७ जना संक्रमितले कोरोनालाई जितेका छन् । योसँगै अब देशभरमा ७ सय ११ जना सक्रिय संक्रमित रहेको स्वास्थ्य तथा जनसंख्या मन्त्रालयले जनाएको छ ।