महोत्तरी । महोत्तरीको गौशाला नगरपालिका–१ मिलनचोकमा हिजो बेलुकी मोटरसाइकलको ठक्करबाट पैदलयात्रीको मृत्यु भएको छ ।
मृत्यु हुनेमा स्थानीय ६५ वर्षीय चेत प्रसाद प्याकुरेल रहेका छन् । गम्भीर घाइते भएका उनको उपचारका क्रममा जानकी मेडिकल अस्पताल रमदैया धनुषामा मृत्यु भएको हो ।
सामान्य घाइते भएका मोटरसाइकलमा पछाडी सवार सोही नगरपालिका–४ का २५ वर्षीय रोषण सिंहको शुभस्वतीक अस्पताल बर्दिबासमा उपचार भइरहेको छ ।
गौशालाबाट माईस्थानतर्फ जाँदै गरेको बा ८७ प ९६७ नम्बरको मोटरसाइकलले हिजो बेलुकी पौने ८ बजे पैदल हिडिरहेका प्याकुरेललाई ठक्कर दिएर पल्टिएको थियो ।
मोटरसाइकल चालक फरार भएकोले खोजी भइरहेको इलाका प्रहरी कार्यालय गौशाला महोत्तरीले जनाएको छ ।
यो खबर पढेर तपाईलाई कस्तो महसुस भयो ?
प्रतिक्रिया