कालिकोटमा १३ जना मलामी बेपत्ता (नामावलीसहित)

काठमाडौं । कालिकोटमा शव जलाउने क्रममा पहिरोमा पुरिएर १३ जना मलामी बेपत्ता भएका छन् ।

कालिकोटको तिलागुफा नगरपालिकाको राँचुली भन्ने स्थानमा सो घटना भएको नगर उपप्रमुख महेन्द्र बहादुर शाहीले लोकपथलाई जानकारी दिए ।

उनका अनुसार सोही स्थानका खेमराज शाहीको शव अन्त्येष्टीका लागि स्थानीय नदीमा गएका थिए । दागबत्ती दिने क्रममा माथिबाट पहिरो आइ सबै नदीमा परि बेपत्ता भएको उपप्रमुख शाहीले बताए ।

‘शनिबार सोही स्थानका खेमराज शाही निधन भएको थियो । आइतबार बिहान (हिजो) शव जलाउने क्रममा माथिबाट पहिरो आएर १३ जनालाई पुरेको हो ।’ उनले भने ।

जिल्ला प्रहरी कार्यालय कालिकोटबाट प्रहरी परिचालन भइ शवहरुको खोजी कार्य भइरहेको उनले बताए । अहिले पनि निरन्तर पानी परिरहेको र सो स्थानमा अन्य बासिन्दाहरुलाई समेत विद्यालयमा राखी सुरक्षित स्थानमा राख्न लागिएको छ ।

‘प्रहरी परिचालन गरी हराएकाहरुको खोजीकार्य भइरहेको छ ।’ उनले भने, ‘निरन्तर पानी परिरहेको र जोखिमका कारण अन्यलाई समेत सुरक्षित स्थानमा सार्ने काम भइरहेको छ ।’

बेपत्ता हुनेहरुको नामवली यस्तो छ :

परबहादुर शाही (वडाध्यक्ष)

प्रशान्त शाही

नरेश शाही

मोतिलाल शाही

छत्र शाही

धनबहादुर शाही

धन शाही

बलि शाही

कालिबहादुर शाही

प्रशिद्ध शाही (वडाध्यक्ष)

भेषबहादुर शाही

खगेन्द्र शाही

मनबहादुर शाही