१५ मङ्सिर २०७९, बिहीवार

पुस्कारनाथ ओझा कैलाली–५ बाट स्वतन्त्र उम्मेदवार, कांग्रेसमा खैलाबैला

२०७९,आश्विन,२१,शुक्रवार २०:३९

963
Shares

धनगढी । नेपाली कांग्रेसबाट कारवाहीमा परेका नेता पुष्करनाथ ओझाले कैलाली–५ बाट संघीय निर्वाचनमा स्वतन्त्र उम्मेदवारी दिने घोषणा गरेका छन् ।

क्षेत्रनम्बर–५ का नागरिक र स्वयं आफ्नो आत्मसम्मानका लागि स्वतन्त्र उम्मेदवारी दिने उनको भनाई छ ।

‘नेतृत्वको टिको लगाएर, झोलामा टन्न पैसा ल्याएर चुनाव जितिन्छ भन्ने भ्रम देखियो,’ उनले भने, ‘पैसामा यस क्षेत्रका नागरिकको आत्म सम्मान विक्दैन भन्ने पुष्टि गर्न मैले उम्मेदवारी दिन लागेको हुँ, त्यो उम्मेदवारी स्वयं मेरो आत्म सम्मानका लागि पनि हुने छ ।’ तर आफु दलको विरुद्ध भने नभएको उनले बताए । आफु दल बनाउन लागेको भन्दै उनले स्वतन्त्र उम्मेदवारी दिनु आफ्नो बाध्यता भएको बताए ।

‘कांग्रेस सभापति शेरबहादुर देउवा बाहेक कैलाली–५ अरुका लागि छोड्नुपर्ने कारण मैले देखेको छैन,’ उनले भने, ‘यदी उहाँ यस क्षेत्रबाट चुनाव लडेको भए म पछि हट्ने थिए, तर त्यसतो अवस्था देखिएन, अन्तिम समयसम्म पनि कांग्रेसले मलाई उम्मेदवार बनाउछ भन्ने आसामा छु ।’

उनले कांग्रेसबाट आघिकारिक उम्मेदवार बन्ने सम्भावना नरहेको भए पनि मनोनयनको अन्तिम समयसम्म पनि त्यो आसा भने नत्याग्ने बताए ।

२०७० को उप निर्वाचनमा कैलाली–५ बाट निर्वाचन जितेका नेता पुष्करनाथ ओझालाई २०७४ को निर्वाचनमा असहयोग गरेको भन्दै कांग्रेसको अनुशासन विभागले ५ बर्षका लागि कारवाही गरेको थियो । २०७४ को निर्वाचनमा कांग्रेस सभापति शेरबहादुर देउवा पत्नि आरजु देउवा कैलाली–५ बाट निर्वाचन लडेकि थिइन्, उनि तत्कालिन नेकपाका उम्मेदवार नारदमुनि रानासँग पराजित भएकि थिइन । आरजु पराजय हुनुको कारण पार्टी भीत्रैबाट घात भएको र सो कार्यमा ओझाले महत्व पुर्ण भमीका खेलेको छानविन समितिको निष्कर्ष रहेको थियो ।

कैलाली–५ बाट कांग्रेसका तर्फबाट निवर्तमान प्रदेश सभा सदस्य डिल्लीराज पन्तले टिकट पाउने सम्भावना रहेको छ । उनी ५ दलीय गठबन्धनका साझा उम्मेदवार बन्ने छन् । यसैगरी नेकपा एमालेबाट निर्वतमान प्रतिनीधि सभा सदस्य नारमुनी रानाले टिकट पाएका छन्।

स्थानीय निर्वाचनबाट कैलालीमा बलियो देखिएको नागरिक उन्मुक्ति पार्टीबाट सो पार्टीका बरिष्ट नेता लक्ष्मण थारुले उम्मेदवारी दिने घोषणा गरिसकेका छन् ।

प्रकाशित मिति: २०७९,आश्विन,२१,शुक्रवार २०:३९

प्रतिक्रिया दिनुहोस !
सम्बन्धित खबरहरु

मोरङ । नेपाली कांग्रेसका केन्द्रीय सदस्य डा.शेखर कोइरालाले वर्तमान गठबन्धन दलले नै कांग्रेसको नेतृत्वमा आगामी संयुक्त सरकार निर्माण गर्ने बताएका

दोलखा । दोलखाका १० मतदान केन्द्रमा मध्याह्न १२ बजेसम्म ३५ प्रतिशत मतदान सम्पन्न भएको छ । मुख्य निर्वाचन अधिकृत डिल्लीरत्न

काठमाडौं । जारी मतगणनामा हालसम्म नेकपा एमालेले समानुपातिकमा अग्रता कायम गरेको छ । निर्वाचन आयोगको तथ्यांक अनुसार एमालेले २७ लाख

काठमाडौं । नेपाली कांग्रेसका महामन्त्री गगनकुमार थापाले अर्थतन्त्रमा देखिएको समस्या समाधानका लागि निजी क्षेत्रसँग सहकार्य आवश्यक रहेको बताएका छन् ।

ताजा समाचार

अर्थतन्त्र सुधारोन्मुख छ : गभर्नर अधिकारी
 २०७९,मङ्सिर,१५,बिहीवार १३:२६
दोलखामा ३५ प्रतिशत मतदान सम्पन्न
 २०७९,मङ्सिर,१५,बिहीवार १३:०६
बाजुरामा किन अझै शुरु भएन मतगणना ?
 २०७९,मङ्सिर,१५,बिहीवार ११:२३