तनहुँ । तनहुँको बन्दिपुर गाउँपालिका–१ उपल्लोफाँटमा एक बालक चितुवाको आक्रमणमा परी घाइते भएका छन् । घाइते हुनेमा स्थानीय सुवास परियारका तीन वर्षीय छोरा सुलभ रहेका छन् ।
स्थानीयहरूका अनुसार आज (बुधवार) साँझ साढे ६ बजे बालक सुलभलाई घरको पिँढीमै चितुवाले आक्रमण गरेको थियो । चितुवाले बालकलाई घरबाट करिब ५० मिटर टाढासम्म पुर्याएको प्रहरीले जनाएको छ ।
घाइते बालकको मोती हेल्थ क्लिनिकमा सामान्य उपचार गरी चितवन रिफर गरिएको छ । चितुवाले घाँटी, हात तथा ढाडमा आक्रमण गरेको र बालकको अवस्था गम्भीर रहेको बताइएको छ ।
यो खबर पढेर तपाईलाई कस्तो महसुस भयो ?
प्रतिक्रिया