काठमाडौं । काठमाडौं, उदयपुर र झापाबाट लागुऔषधसहित चार जनालाई प्रहरीले पक्राउ गरेको छ । काठमाडौं महानगरपालिका–६ महाँकाल ओरालोबाट करिब ५ ग्राम लागुऔषध खैरो हेरोईनसहित एक जनालाई प्रहरीले पक्राउ गरेको हो ।
पक्राउ पर्नेमा सोही ठाउँ बस्ने पर्सा वीरगन्ज महानगरपालिका–२९ रतनपुर घर भएका २७ वर्षीय सञ्जय आलम छन् । उनलाई सोमबार प्रहरीले पक्राउ गरेको हो । प्रहरी वृत्त बौद्धबाट खटिएको प्रहरीले आलमलाई उक्त परिमाणको लागुऔषधसहित फेला पारी पक्राउ गरेको हो ।
त्यस्तै, काठमाडौंको चन्द्रागिरी नगरपालिका–२ नागढुङ्गाबाट १ केजी ४ सय ग्राम गाँजाको धुलोसहित एक जना पक्राउ परेका छन् । पक्राउ पर्नेमा मकवानपुर थाहा नगरपालिका–१२ का २२ वर्षीय सुजन स्याङतान रहेका छन् । उनलाई सोमबार प्रहरीले पक्राउ गरेको हो । प्रहरी प्रभाग नागढुङ्गाबाट खटिएको प्रहरीले जाँच गर्ने क्रममा बसमा सवार उनलाई उक्त परिमाणको लागुऔषधसहित फेला पारी पक्राउ गरेको हो ।
उदयपुरको चौदण्डीगढी नगरपालिका–६ पुलचोक बेल्टारबाट करिब २ केजी ५ ग्राम गाँजासहित एक जनालाई प्रहरीले पक्राउ गरेको छ । पक्राउ पर्नेमा सोही ठाउँ बस्ने ५४ वर्षीय मंगल बहादुर विश्वकर्मा छन् ।
उनलाई सोमबार साँझ प्रहरीले पक्राउ गरेको हो । इलाका प्रहरी कार्यालय बेल्टारबाट खटिएको प्रहरीले उनलाई उक्त परिमाणको गाँजासहित फेला पारी पक्राउ गरेको बताएको छ ।
उता, झापाको मेचीनगर नगरपालिका–६ पुरानो मेचीपुल अगाडिबाट १ ग्राम ८ सय मिलिग्राम खैरो हेरोईनसहित एक जनालाई प्रहरीले पक्राउ गरेको छ । पक्राउ पर्नेमा इलाम चुलाचुली गाउँपालिका–४ पेल्टिमारी बस्ने ३३ वर्षीय सत्य नारायण याख्खा छन् । उनलाई सोमबार दिउँसो प्रहरीले पक्राउ गरेको हो ।
इलाका प्रहरी कार्यालय काँकरभिट्टा र लागुऔषध नियन्त्रण ब्यूरो काँकरभिट्टाबाट खटिएको प्रहरीले उनलाई उक्त परिमाणको लागुऔषधसहित फेला पारी पक्राउ गरेको हो ।
यो खबर पढेर तपाईलाई कस्तो महसुस भयो ?
प्रतिक्रिया