काठमाडौं । गोरखामा एक युवाको कुटपिटबाट मृत्यु भएको छ । पालुङटार नगरपालिका–५ धरमपानीका ३५ वर्षीय बुद्धि बहादुर बिकको कुटपिटबाट मृत्यु भएको हो ।
मृतक बिकलाई कुटपिट गरेको घटनामा संलग्न रहेको अभियोगमा सोही ठाउँका ३४ वर्षीय राम शरण बिक लगायत ४ जनालाई गएराति प्रहरीले पक्राउ गरेको छ ।
उनीहरुले मादक पदार्थ सेवन गरी कुटपिट गर्दा गम्भीर घाइते भएका बुद्धि बहादुरको आँपपिपल अस्पताल पालुङटारमा उपचारको क्रममा मृत्यु भएको प्रहरीले जनाएको छ ।
इलाका प्रहरी कार्यालय ठाँटीपोखरीबाट खटिएको प्रहरीले कुटपिटमा संलग्न उनीहरुलाई पक्राउ गरेको जनाएको छ । अहिले घटनाका सम्बन्धमा प्रहरीले थप अनुसन्धान प्रकृया अगाडी बढाएकोे छ ।
यो खबर पढेर तपाईलाई कस्तो महसुस भयो ?
प्रतिक्रिया