एजेन्सी: बेलायतका प्रधानमन्त्री टेरिजा मेले बेलायती महारानीलाई बालमोरलमा युरोपियन युनियनबाट बेलायत छुट्टिने प्रस्ताव ब्रेग्जिटको प्रगतिबारे जानकारी दिएकी छिन् ।
पूर्ववर्ती महिला प्रधानमन्त्री मार्गरेट थ्याचरले शासन गरेजस्तो लामो कार्यकाल पूरा गर्ने दाबी सहित यो जानकारी मेले महारानीलाई दिएकी हुन् ।
पति फिलिपका साथ प्रधानमन्त्री मे स्कटल्यान्डको चर्चमा बेलायती महारानीसँग रहेको फोटोमा देखिएको हो ।
यो वर्ष प्रधानमन्त्री मेले धेरै समाचार बनाउन सफल भएकी हुन् ।
महारानीसँग बालमोरलमा भेट, युरोपेली युनियनसँगको निर्णायक चरणको वार्ता र भविष्यको व्यापारसम्बन्धी विषयहरू प्रमुख रहेका छन् ।
मेको चेकर्स प्लानका विरूद्धमा लेबर पार्टीका साथ उनकै पार्टीका केही सांसद रहेका छन् । उनकै पार्टीका बोरिस जोनसन प्रधानमन्त्रीको कुर्सी ताकेर बसेका छन् ।
बोरिसले मेलाई पदच्युत गराउने योजनामा रहेको देखिएका छन् । ९२ वर्षीया महारानीको शासन कालमा विस्टन चर्चिल देखि अहिलेसम्मका प्रधानमन्त्रीमा मे १३ औं प्रधानमन्त्री हुन् ।
महारानीले सरकारको कामकाज र राजनीतिमा रूचि लिएको देखिएको छ ।
प्रधानमन्त्री मे र महारानीबीचको यो भेंटलाई औपचारिक बनाइएको छैन् ।
औपचारिकरूपमा यसको उल्लेख नगरिएकाले यसलाई गुप्त भेंटघाटको रूपमा लिइएको हो ।
मेका विरूद्ध दबाब बढ्दै गएको भएपनि उनले पार्टीको सम्मेलनमा आफूले अर्को चुनाव जित्ने सम्बोधन गर्ने भएकी छिन् ।
उनले थ्याचरको ११ वर्षे कार्यकाल जस्तै आफ्नो कार्यकाललाई २०१७सम्म पु¥याउन खोजेको देखिएको छ ।
थ्याचरले सन् १९७९ देखि १९९०सम्म प्रधानमन्त्री भएर शासन गरेकी थिइन् ।
यो खबर पढेर तपाईलाई कस्तो महसुस भयो ?
प्रतिक्रिया