आज साउनको पहिलो सोमबार, जान्नुहोस् पूजा विधि र यसकाे महत्व

काठमाडौं । आज साउनको पहिलो सोमबार व्रत मनाइँदैछ। साउन महिनामा सोमबार व्रतको विशेष महत्व छ । यस दिन भोलेनाथको पूजा, विशेषगरी जलाभिषेक र पूजा गर्ने विधि छ ।

साउन महिना भगवान शिवको पूजामा समर्पित छ। साउन महिनामा शिवको पूजा गरेपछि भोलेनाथ चाँडै प्रसन्न हुने जनविश्वास छ । साउन महिनामा भगवान शिवको जलाभिषेकको विशेष महत्व छ, तर यससँगै साउन सोमबार व्रत बसी शिव चालिसा पाठ गर्नु पनि निकै लाभदायक हुन्छ ।

धार्मिक मान्यता अनुसार साउन सोमबार व्रत, पूजा र मन्त्र जप गर्नु निकै शुभ मानिन्छ । साउन सोमबारको दिन शिवलिंगमा जलाभिषेक गर्दा शिव मन्त्रको जप अवश्य गर्नुपर्छ, तर मन्त्रको जप धेरै सावधानीपूर्वक गर्नुपर्छ भन्ने कुरामा ध्यान दिनुहोला ।

‘ॐ नमः शिवाय’ एक धेरै चमत्कारी मन्त्र हो, यो मन्त्र पूर्ण भक्ति र शुद्धतासंग जप गर्नुपर्छ। यो मन्त्रको जप दिनमा कम्तीमा १०८ पटक रुद्राक्षको मालाले गर्नुपर्छ, किनभने रुद्राक्ष भगवान शिवलाई अति प्रिय छ। जप सधैं पूर्व वा उत्तर दिशामा फर्केर गर्नुपर्छ। शिवको मन्त्र ‘ॐ नमः शिवाय’ जहाँ पनि र जुनसुकै बेला जप गरिन्छ। तर यो मन्त्र पवित्र नदीको किनारमा वा शिव मन्दिरमा जप गरेमा उत्तम फल प्राप्त हुन्छ। यो मन्त्रको जप गर्नाले धन प्राप्ति हुनेछ

पवित्र साउन महिना चलिरहेको छ । आज साउनको पहिलो व्रत सोमबार परेको छ । हिन्दु धर्ममा साउन महिनाको विशेष महत्व छ । साउन सोमबार व्रत र शिव-पार्वती पूजाको विशेष महत्व छ । यस दिन विशेषगरी विवाहित तथा अविवाहित युवतीहरूले विशेषगरी व्रत बसेर भगवान भोलेनाथ र माता पार्वतीको पूजा गर्छन् । साउन सोमबार व्रत बसेर यस दिन शिवको पूजा–आराधना गर्नाले सबै मनोकांक्षा शीघ्र पूरा हुने जनविश्वास छ ।