२६ श्रावण २०७९, बिहीवार

६० वर्ष भन्दामाथिका नागरिकलाई खर्कमै पुगेर आयुर्वेदिक शिविर सञ्चालन

२०७९,असार,२३,बिहीवार १८:३७

45
Shares

हुम्ला । हिमाली जिल्ला हुम्लाको उत्तरी नाम्खा गाउँपालिका–३ को खगालगाउँका ६० वर्ष भन्दामाथिका ज्येष्ठ नागरिकलाई खर्कामै पुगेर निःशुल्क आयुर्वेदिक विधिबाट स्वास्थ्य शिविर सञ्चालन गरिएको छ ।

नाम्खा गाउँपालिका–३ को खगालगाउँबाट खर्कमा बस्दै आएका ज्येष्ठ नागरिकका लागि शिविर सञ्चालन गरिएको आयुर्वेद स्वास्थ्य केन्द्रका निमित्त कविराज कृष्णचन्द्र जोशीले बताए ।

ज्येष्ठ नागरिकलाई टाढा जान पनि कठिन हुने भएका कारण आयुर्वेदिक विधिबाट स्वास्थ्य शिविर सञ्चालन गरिएको शिविरमा १०९ जना ज्येष्ठ नागरिकलाई उपचार गरिएका आयुर्वेद स्वास्थ्य कार्यालय हुम्लाको स्रोतले जानकारी दिएको छ ।

आयुर्वेद स्वास्थ्य शिविरमा विशेष गरी बाथ, दम, अम्मलपित्त, छालाको रोग, ज्वरो आउने र दिसा पिसाब सम्बन्धीका बिरामीको उपचार गरिएको आयुर्वेद स्वास्थ्य केन्द्रका निमित्त जोशीले बताए ।

नाम्खा गाउँपालिका–३ को खगालगाउँको खर्कमा बस्दै आएका ज्येष्ठ नागरिकका लागि सञ्चालन गरिएको शिविरमा निःशुल्क वितरण गरिएका औषधिमा अश्वगन्धा चूर्ण, आमलकी चूर्ण, च्यवनप्रास अवलेह, मायोष्टाइल जेल, कैशोर गुग्गुलु, चन्द्रप्रभा वटी, शिलाजित, ज्येष्ठवासादी चूर्ण, कासारिन, माधुरी सिरप, मृगमदासव, सितोपलादि चूर्ण, ईम्युनोकेयर र महासुदर्शन चूर्ण रहेका छन् ।

हुम्लामा पछिल्लो समय जिल्लामा आयुर्वेदिक उपचार विधिमा बिरामीको आकर्षण बढिरहेका बेला केन्द्रको आयोजनामा सञ्चालन गरिएको निःशुल्क आयुर्वेदिक विधिबाट स्वास्थ्य शिविर गाउँका ज्येष्ठ नागरिकलाई खर्कमै पुगेर उपचार गरिएको हो ।

 

प्रकाशित मिति: २०७९,असार,२३,बिहीवार १८:३७

प्रतिक्रिया दिनुहोस !
सम्बन्धित खबरहरु

कर्णाली । कर्णाली प्रदेशमा अझै करिब ६० हजार पाठ्यपुस्तक अभाव छ। जनक शिक्षा सामग्री केन्द्र प्रादेशिक कार्यालय सुर्खेतले कर्णालीका सुर्खेत,

काठमाडौं । एक दशकअघि अपहरणमा परेका अमेरिकी पत्रकारलाई सिरियाली सरकारले नियन्त्रणमा लिएको अमेरिकी राष्ट्रपति जो बाइडेनले बताएका छन् । अस्टिन

काठमाडौं । नेकपा एमालेले आगामी प्रदेश र प्रतिनिधिसभा निर्वाचनको तयारी गर्न केन्द्रीय सचिवालय बैठक बोलाएको छ । बैठक आज मध्याह्न

काठमाडौं । वेस्ट इन्डिजविरुद्धको पहिलो टी-२० खेलमा न्युजिल्यान्डले १३ रनको जित निकालेको छ । १८६ रनको लक्ष्य पाएको घरेलु टोलीले

ताजा समाचार

एमालेको केन्द्रीय सचिवालय बैठक बस्दै
 २०७९,श्रावण,२६,बिहीवार ११:३२
वेस्ट इन्डिजविरुद्ध न्युजिल्यान्ड विजयी
 २०७९,श्रावण,२६,बिहीवार ११:२९
९ वर्षपछि जनैपूर्णिमा र गाईजात्रा एकैदिन
 २०७९,श्रावण,२६,बिहीवार ११:००
चितवनमा ट्रकको ठक्करबाट युवकको मृत्यु
 २०७९,श्रावण,२६,बिहीवार १०:५९
आजबाट सुपर डान्सर नेपाल
 २०७९,श्रावण,२६,बिहीवार १०:५४