काठमाडौं । नेपालका लागि नवनियुक्त भारतीय राजदूत नवीन श्रीवास्तवले राष्ट्रपति विद्यादेवी भण्डारीसमक्ष ओहदाको प्रमाणपत्र पेश गरेका छन् ।
बिहीबार अपरान्ह राष्ट्रपति भवन शीतलनिवासमा पुगेर राजदूत श्रीवास्तवले प्रमाणपत्र पेश गरेका हुन् ।
नवनियुक्त राजदूत श्रीवास्तव गत असार ११ गते राजदूतको रुपमा नेपाल आएका थिए ।
राष्ट्रपति समक्ष ओहदाको प्रमाणपत्र पेश गरेसँगै उनको कार्यकाल सुरु हुनेछ ।
यसअघिका राजदूत विनयमोहन क्वात्रा आफ्नो कार्यकाल सकेर स्वदेश फर्किएसँगै नेपालका लागि नयाँ राजदूतको रुपमा भारतले श्रीवास्तवलाई नेपाल पठाएको थियो ।
भारतको विदेश मन्त्रालयको पूर्वी एशिया डिभिजनको प्रमुखका रूपमा कार्यरत उनी चीन मामिलाका जानकारका रूपमा परिचित छन् । राजदूत श्रीवास्तव सन् १९९३ मा भारतीय विदेश सेवामा प्रवेश गरेका हुन् ।
Ambassador of India to Nepal Mr. Naveen Srivastava presented his credentials to the Rt. Hon. President of Nepal Ms. Bidya Devi Bhandari at a ceremony held at President’s Office, Sheetal Niwas, today.@MEAIndia @PMOIndia @PresidentofNP pic.twitter.com/TrT52MgPYN
— IndiaInNepal (@IndiaInNepal) June 30, 2022
यो खबर पढेर तपाईलाई कस्तो महसुस भयो ?
प्रतिक्रिया