काठमाडौं । नेपालका लागि भारतीय राजदूत नवीन श्रीवास्तव काठमाडौं आइपुगेका छन् ।
शनिबार अपरान्ह नवनियुक्त राजदूत श्रीवास्तव नेपाल आइपुगेका हुन् ।
यसअघिका राजदूत विनयमोहन क्वात्रालाई भारतले विदेश सचिव बनाएसँगै श्रीवास्तवलाई राजदूत नियुक्त गरिएको थियो ।
राजदूतका रुपमा नेपाल आएका श्रीवास्तवले राष्ट्रपति विद्यादेवी भण्डारीलाई ओहदाको प्रमाणपत्र बुझाएपछि औपचारिक रुपमा कार्यभार सम्हाल्नेछन् ।
भारतको विदेश मन्त्रालयको पूर्वी एशिया डिभिजनको प्रमुखका रूपमा कार्यरत उनी चीन मामिलाका जानकारका रूपमा परिचित छन् । राजदूत श्रीवास्तव सन् १९९३ मा भारतीय विदेश सेवामा प्रवेश गरेका हुन् ।
श्रीवास्तव यसअघि चीनको संघाइमा महावाणिज्यदूत र कम्बोडियाका लागि राजदूत भएर काम गरिसकेका छन् ।
यो खबर पढेर तपाईलाई कस्तो महसुस भयो ?
प्रतिक्रिया