काठमाडौं । देशैभर अहिले स्थानीय तह निर्वाचनको मत गणना भइरहेको छ । देशका विभिन्नस्थानबाट मत परिणामहरु आउने क्रम जारी रहेको छ । निकै चासोका साथ हेरिएको देशको ११ वटै उपमहानगरपालिका मध्ये १० वटा उपमहानगरपालिकाको मत परिणाम आउने क्रम जारी रहेको छ ।
कुन उपमहानगरपालिकामा को अगाडि :
धनगढी उपमहानगरपालिका :
धनगढी उपमहानगरपालिकामा स्वतन्त्र उम्मेदवार गोपाल हमाल ४,९६४ मतका साथ अग्रस्थानमा छन् । हमाललाई पछ्याइरहेका नेपाली कांग्रेसका नृपबहादुर वडले २,५९१ मत ल्याएका छन् ।
हेटौंडा उपमहानगरपालिका :
हेटौंडा उपमहानगरपालिका नेपाल कम्युनिष्ट पार्टी एकिकृत समाजवादीकी मीनाकुमारी लामाले ५ हजार २ सय ४५मत ल्याएकी छिन् । लामालाई पछ्याइरहेका राष्ट्रिय प्रजातन्त्र पार्टीका दिपक बहादुर सिंहले ४ हजार ९ सय ३० मत ल्याएकी छिन् ।
बुटवल उपमहानगरपालिका :
बुटवल उपमहानगरपालिकामा नेपाली कांग्रेस उम्मेदवार खेलराज पाण्डेय ५,७३७ मतका साथ अग्रस्थानमा छन् । पाण्डेयलाई पछ्याइरहेका नेपाल कम्युनिष्ट पार्टी एमालेका बाबुराम भट्टराईले ३,९४० मत ल्याएका छन् ।
नेपालगंज उपमहानगरपालिका :
नेपालगंज उपमहानगरपालिकामा नेपाली कांग्रेस उम्मेदवार प्रशान्त विष्ट ६,६८७ मतका साथ अग्रस्थानमा छन् । विष्टलाई पछ्याइरहेका नेपाल कम्युनिष्ट पार्टी एमालेका पशुपति दयाल मिश्राले ३,५९३ मत ल्याएका छन् ।
धरान उपमहानगरपालिका :
धरान उपमहानगरपालिकामा नेपाली कांग्रेस उम्मेदवार किशोर राई ४,१५६ मतका साथ अग्रस्थानमा छन् । राईलाई पछ्याइरहेकी नेपाल कम्युनिष्ट पार्टी एमालेकी मञ्जु भण्डारी सुवेदीले ३,४५६ मत ल्याएकी छन् ।
इटहरी उपमहानगरपालिका :
इटहरी उपमहानगरपालिकामा नेपाली कांग्रेस उम्मेदवार हेम कर्ण पौडेल ६,००२ मतका साथ अग्रस्थानमा छन् । पौडेललाई पछ्याइरहेका नेपाल कम्युनिष्ट पार्टी एमालेका यामकुमार चुङ्गवाङ सुब्बाले ४,५९३ मत ल्याएका छन् ।
तुलसीपुर उपमहानगरपालिका :
तुलसीपुर उपमहानगरपालिका अन्तर्गतको कुनैपनि वाडको मत गणना सुरु भएको छैन ।
घोराही उपमहानगरपालिका :
घोराही उपमहानगरपालिकामा नेपाल कम्युनिष्ट पार्टी एमाले उम्मेदवार नरुलाल चौधरी १३,००१ मतका साथ अग्रस्थानमा छन् । चौधरीलाई पछ्याइरहेका नेपाल कम्युनिष्ट पार्टी माओवादी केन्द्रका हेमराज शर्मा पोख्रेलले ११,२७४ मत ल्याएका छन् ।
जनकपुरधाम उपमहानगरपालिका :
जनकपुरधाम उपमहानगरपालिकामा स्वतन्त्र उम्मेदवार मनोजकुमार साह सुडी २,९०२ मतका साथ अग्रस्थानमा छन् । सुडीलाई पछ्याइरहेका नेपाल कम्युनिष्ट पार्टी एमालेका शिवशंकर साहले १,१८८ मत ल्याएका छन् ।
कलैया उपमहानगरपालिका :
कलैया उपमहानगरपालिकामा नेपाल कम्युनिष्ट पार्टी एमालेका विनोदप्रसाद साहले ४ हजार ८ सय ४८ मतका साथ अग्रस्थानमा छन् । साहलाई पछ्याइरहेका नेपाली कांग्रेसका राजेश राय यादव २ हजार ९ सय ७९मत ल्याएका छन् ।
जितपुर-सिमरा उपमहानगरपालिका :
जितपुर सिमरा उपमहानगरपालिकामा नेपाल कम्युनिष्ट पार्टी माओवादी केन्द्र उम्मेदवार राजन पौडेल १०,०३१ मतका साथ अग्रस्थानमा छन् । पौडेललाई पछ्याइरहेकी नेपाल कम्युनिष्ट पार्टी एमालेकी सरस्वतीदेवी चौधरीले ७,६३० मत ल्याएकी छन् ।
यो खबर पढेर तपाईलाई कस्तो महसुस भयो ?
प्रतिक्रिया