काठमाडौं महानगर अपडेट : बालेनलाई १ हजार ४ सय ६५ मतको अग्रता

काठमाडौं । काठमाडौं महानगरपालिकामा मेयरमा स्वतन्त्र उम्मेदवार बालेन्द्र साह ‘बालेन’ को अग्रता कायमै रहेको छ । निर्वाचन अधिकृतको कार्यालयले सार्वजनिक गरेको पछिल्लो विवरण अनुसार साहले ३ हजार १ सय १० मत पाएका छन् ।

उनलाई एमालेका केशव स्थापितले १ हजार ६ सय ४५ मतसहित पछ्याइरहेका छन् । नेपाली कांग्रेसकी सिर्जना सिंहले १ हजार ६ सय २ मत पाएकी छन् ।

बालेन्द्रले बढी मत पाएपछि उनका समर्थक राष्ट्रियसभा गृह क्षेत्रमा उत्साहित देखिएका छन् । हाल मतगणना जारी छ ।