१३ असार २०७९, सोमवार

नेपाली कामदार लैजान ढिलाइबारे इजरायल सरकारलाई ध्यानाकर्षण

२०७९,बैशाख,२८,बुधबार १६:३२

108
Shares

काठमाडौं । ईजरायलले नर्सिङ क्षेत्रमा लैजाने नेपाली कामदारको प्रक्रिया रोकिएकोबारे नेपालले ध्यानाकर्षण गराएको छ । इजरायल जाने अन्तिम तयारीमा रहेका ८०० भन्दा बढी नेपाली कामदार तीन महिनादेखि लामो समय हुँदा पनि जान पाएका छैनन् ।

यस विषयमा नेपालले इजरायली अधिकारीहरूको ध्यानाकर्षण गराएको हो । नेपाली पक्ष र इजरायली सरकारी अधिकारीहरूबीचको भेटका क्रममा नेपालले ध्यानाकर्षण गराएको हो ।

वैदेशिक रोजगार विभागका महानिर्देशक शेषनारायण पौडेल, श्रम मन्त्रालयका उपसचिव डा. थानेश्वर भुसाल र इजरायलस्थित नेपाली दूतावासका कार्यवाहक राजदूत अर्जुन घिमिरेले इजरायलका लागि नेपाली राजदूत हनन गोदार, इजरायली पपुलेसन एण्ड इमिग्रेसन एथोरीटी (पीबा) का निर्देशक सिर्लेयी, इजरायल स्वास्थ्य मन्त्रालयका निर्देशक सफ्फीसँग भेटवार्ताको क्रममा ध्यानाकर्षण गराएका हुन् ।

भेटको क्रममा इजरायली पक्षले परराष्ट्र मन्त्रालयका कर्मचारी युनियनको आन्दोलन सकिनेविक्तिकै प्रक्रिया सुचारू गर्ने बताएको इजरायलस्थित नेपाली दूतावासले जनाएको छ ।

एक हजार जना नेपाली कामदार लैजान सम्झौताअनुसार नेपालबाट तीन चरणमा गरेर २९७ जना नेपाली कामदार इजरायल गइसकेका छन् । उनीहरूले काम थालेको पनि तीन महिना भन्दा बढी भइसकेको छ । बाँकी रहेका कामदार भने अझै जान पाएका छैनन् ।

नेपाल र इजरायलबीच सरकारी स्तरमा (जी टु जी) हस्ताक्षर भएको इजरायलको नर्सिङ क्षेत्रमा नेपालबाट सहायक कामदार (एक्जुलरी ओर्कर) ल्याउने सम्बन्धी सम्झौता भएको थियो । सोहीअनुसार वैदेशिक रोजगार विभागले विभिन्न चरणका परीक्षामार्फत छनौट गरेका एक हजारभन्दा बढी नेपालीहरूमध्ये हालसम्म २९७ जना इजरायल गइसकेका छन् ।

तर, बाँकीको कामदार सम्झौता, भिसा, प्रि डिपाचार ओरिएन्टेसन लगायतका सबै प्रक्रिया पूरा भइसकेका छन् । तर, कर्मचारीको आन्दोलनका कारण तीन महिनाभन्दा लामो समयदेखि प्रक्रिया रोकिएको छ । जसले गर्दा नेपालीहरू इजरायल जान पाएका छैनन् ।

यस विषयमा नेपालले इजरायल सरकारको बारम्बार ध्यानाकर्षण गराउँदै आएको छ । तर, परराष्ट्र मन्त्रालयका कर्मचारीको आन्दोलन नरोकिएसम्म केही गर्न नसकिने जवाफ इजरायली अधिकारीले दिँदै आएका छन् । सेवासुविधा बृद्धिको माग गर्दै इजरायली परराष्ट्र मन्त्रालयका कर्मचारीहरू तीन महिनादेखि आन्दोलनमा छन् ।

प्रकाशित मिति: २०७९,बैशाख,२८,बुधबार १६:३२

प्रतिक्रिया दिनुहोस !
सम्बन्धित खबरहरु

काठमाडौं । साउदी अरबस्थित नेपाली दूतावासले त्यहाँ रहेका नेपालीलाई दिउँसो (मध्यान्ह १२ बजेदेखि दिउँसो ३ बजेसम्म) बाहिर घाममा काम नगर्न

गैरआवासीय नेपाली संघ )एनआरएनए)ले पशुपति क्षेत्रमा १०० कोठे सुविधा सम्पन्न बृद्धाश्रमको निर्माण गर्ने भएको छ । सोमबार सम्पन्न नवनिर्वाचित कार्यसमितिको

गैरआवासीय नेपाली संघको दशौँ महाधिवेशनको प्रयोजनका लागि विधानविपरीतका मतदाता राखी मतदाता नामावली प्रकाशित गरिएको भन्दै संघका पूर्वअध्यक्ष एवं प्रमुख संरक्षक

हालै बेलायतको अध्यागमन विभागले भिसा सम्बन्धमा केही नयाँ नियम ल्याएको छ । यसै सन्दर्भमा बेलायती सेनामा कम्तीमा छ वर्ष सेवा

ताजा समाचार