भारतमा पछिल्लो २४ घण्टामा २,५९३ जनामा कोरोना संक्रमण पुष्टि

काठमाडौं । पछिल्लो २४ घण्टामा भारतमा कोरोनाका २,५९३ नयाँ संक्रमित भेटिएका छन् ।

आइतबार सार्वजनिक भएको आँकडामा पछिल्लो २४ घण्टामा ४४ जनाको मृत्यु भएको छ ।
शनिबार भारतमा कोरोनाका २,५२७ नयाँ संक्रमित भेटिएका थिए र ३३ जनाको मृत्यु भएको थियो ।

भारतमा यतिबेला कोरोनाका कुल संक्रमितको संख्या ४.३० करोडभन्दा बढी पुगेको छ भने कुल मृत्युको आँकडा ५.२२ लाखभन्दा बढी पुगीसकेको छ ।

यस्तै, दिल्लीमा शनिबार कोरोना संक्रमितका १,०४२ नयाँ संक्रमित भेटिएका थिए । दिल्लीमा कोरोना संक्रमित दर ४.८२ प्रतिशत पुगेको छ ।