६ माघ २०७८, बिहीवार

फोक्सोलाई बलियो बनाउने केही योग आसन

२०७८,पुष,२९,बिहीवार १४:२२

126
Shares

रोग लागेर उपचार गर्नु भन्दा रोग लाग्न नदिनु नै बुद्धिमानी हुने हुनाले कोरोना भाइरसको सङ्क्रमण हुन नदिन र भएमा के गर्ने भन्ने विषयमा चिकित्सा विज्ञान, आयुर्वेद र योगले विभिन्न उपायहरू सुल्झाइरहेका छन् ।

कोरोना भाइरसको सङ्क्रमण अहिले बढी रहेको अवस्थामा यो भाइरसले जति खेर पनि सङ्क्रमित बनाउन सक्ने सम्भावना देखिएको छ । कोरोना भाइरसको सङ्क्रमण भएमा यसको बढी असर फोक्सोमा देखिने गरेको छ । त्यसैले यो भाइरसको सङ्क्रमण भएमा फोक्सोलाई जोगाउनु नै मुख्य उपाय मानिन्छ । यदि फोक्सोलाई स्वस्थ बनाउन सकियो भने यसको सङ्क्रमणको असर पनि कम हुने देखिएको छ ।

फोक्सोलाई स्वस्थ बनाउन खानपान र फोक्सोसँग सम्बन्धित विभिन्न किसिमका कसरतहरू नियमित गर्ने हो भने यसलाई बलियो बनाउन सकिन्छ । फोक्सोमा कुनै किसिमको इन्फेक्सन भएको खण्डमा यसले दम, ब्रोन्काइटिस, टिबी जस्ता विभिन्न किसिमका रोगहरू निम्त्याउने गर्छ । त्यसैले योगमा फोक्सोलाई बलियो र स्वस्थ बनाउने धेरै किसिमका आसनहरू रहेका छन् । जसको नियमित अभ्यासले फोक्सोलाई बलियो बनाउन मद्दत गर्छ ।

अनुलोम विलोम
फोक्सोलाई बलियो बनाइ शरीरमा अक्सिजनको मात्रा बढाउनका लागि अनुलोम विलोम प्राणायाम धेरै नै सहयोगी सिद्ध आसन मानिन्छ । प्राणायामको यो प्रक्रिया गर्नाले छाला सम्बन्धी विभिन्न किसिमका समस्याहरू हट्टै जान्छ भने मधुमेहका बिमारीहरूको शरीरमा रहेको चिनीको मात्रालाई नियन्त्रण गर्न यो प्रक्रियाले सहयोग गर्छ ।

अनुलोम विलोम गर्ने तरिका

– कुनै पनि चकला, म्याटमा पद्मासन वा सिद्धासनमा बस्ने ।

– दाहिने हातको बुढी औँलाले नाकको दायाँ प्वाललाई थिचेर देब्रे प्वालको सहयोगमा श्वासलाई बिस्तारै लामो समय लगाएर तान्ने ।

– केही बेर रोकेर राखेपछि श्वास तानेको बायाँ नाकको प्वाललाई माझी औँलाले थिच्ने र दायाँ नाकको प्वाल थिचेको बुढी औँलालाई खुकुलो बनाएर सोही प्वालबाट अगाडी लिएको श्वासलाई बिस्तारै बाहिर फ्याँक्ने ।

– माझी औँलाले बायाँ नाकको प्वाल थिचिरहने र दायाँ नाकबाट श्वास फ्याकेपछि सोही प्वालबाट बिस्तारै श्वास लिने । केही बेर रोकेर राखेर दायाँ नाकको प्वाललाई बुढी औँलाले थिचेर बायाँ नाकको प्वाल थिचेको माझी औँलालाई हटाएर उक्त प्वालबाट श्वासलाई बाहिर फ्याँक्ने ।

– जुन नाकको प्वालबाट श्वास फ्याँकिएको हो सोही प्वालबाट श्वास लिने र अर्को प्वालबाट छोड्ने गर्नुपर्छ । यसलाई एक प्रक्रिया भनिन्छ ।

– यो प्रक्रियालाई बिस्तारै ५–१०–१५–२० मिनेट गर्दै एक घण्टासम्म पुर्याउन सकिन्छ ।

भुजंगासन
फोक्सो र मुटुमा बन्द भएको नशाहरू खोल्नका लागि भुजंगासन धेरै नै सहयोग सिद्ध मानिन्छ । यो आसन नियमित रूपमा गर्दा फोक्सोलाई बलियो बनाउँछ साथै मिर्गौला, कलेजोलाई पनि स्वस्थ बनाउन मद्दत गर्छ ।

भुजंगासन गर्ने तरिका

– समतल वा सफा जमिनमा तन्ना, म्याट वा गुन्द्री ओछ्याएर पेटको बलमा सुत्ने र केही बेर आराम गर्ने ।

– दुवै हत्केलालाई जमिनमा टेकेर शरीरको माथिल्लो भागलाई उठाउने ।

– यसरी शरीरको आधा भागलाई उठाउँदा श्वासलाई तान्ने र केही समय रोकेर सोही आसनमा बस्ने ।

– श्वासलाई छोड्दै पहिलाकै अवस्थामा आउने । यो प्रक्रिया दैनिक १० पटक गर्ने ।

प्रकाशित मिति: २०७८,पुष,२९,बिहीवार १४:२२

प्रतिक्रिया दिनुहोस !
सम्बन्धित खबरहरु

काठमाडौं । तपाई कति घण्टा सुत्नुहुन्छ ? मानिसको उमेर, शारीरिक अवस्था, मानसिक स्थिती अनुसार निन्द्रा तलमाथी हुनसक्छ । तर विशेषज्ञले

खानेकुरा मिठो लाग्ने, खाएको खानेकुरा राम्ररी पच्ने, घाम ताप्न पाइने, तात्तातो चिया, कफी र सुप खान पाउने भएर धेरैलाई जाडो

डा. हेमराज कोइराला I मकर सङ्क्रान्तिमा तिलको लड्डु, तरुल, घिउ, चाकु, मुङ्गफलीको चक्की, खिचडी, बेसनको लड्डु, आदि खाने चलन छ।

अहिले विश्वमा कोरोना भाइरसको ओमिक्रोन भेरियन्टले संत्रास मच्चाइरहँदा नेपालमा पनि यो भाइरसको सङ्क्रमण देखिन थालेको छ । तर पछिल्लो केही

ताजा समाचार

कांग्रेसमा प्रदेश सदस्यहरु मनोनित
 २०७८,माघ,६,बिहीवार २०:४०