आइतबार थप २१६ जनामा कोरोना संक्रमण पुष्टि, २०९ जनाले जिते कोरोना

काठमाडौं । नेपालमा पछिल्लो २४ घण्टामा थप २१६ जनामा कोरोना संक्रमण पुष्टि भएको छ। पछिल्लो २४ घण्टामा गरिएको ७ हजार ६३१ जनाको नमूना परीक्षणमा २१६ जनामा कोरोना संक्रमण पुष्टि भएको हो ।

त्यस्तै पछिल्लो २४ घन्टामा थप २०९ जना संक्रमित कोरोना संक्रमण मुक्त भएका छन्। योसँगै नेपालमा कोरोना संक्रमण मुक्त हुनेको संख्या ८ लाख १२ हजार ४ सय १९ पुगेको छ । सो अवधिमा थप २ जनाले कोरोना संक्रमणका कारण ज्यान गुमाएका छन् ।

नेपालमा हाल ४९७१ जना सक्रिय संक्रमित रहेको स्वास्थ्य तथा जनसंख्या मन्त्रालयले जनाएको छ। त्यस्तै पछिल्लो २४ घन्टामा एक लाख ३३ हजार ८१२ जनाले कोरोनाविरुद्धको खोप लगाएका छन्।