१) दक्षिण अफ्रिकाबाट नेपाल आएका दुई जनामा करोनाको नयाँ ओमिक्रोन भेरियन्ट पुष्टि, ओमिक्रोनको जोखिम न्यूनीकरण गर्न सरकारद्वारा विभिन्न प्रयासहरू जारी, स्वास्थ्य मापदण्ड अपनाउन आग्रह ।
२) सभापतिमा अन्तिम पटक उम्मेदवारी दिन लागेको भन्दै कांग्रेस सभापति देउवाले गरे सहयोगको अपिल, सभापतिमा निर्वाचित भए कांग्रेसलाई पहिलो पार्टी बनाउने प्रतिबद्धता ।
३) भारतबाट फर्किएका व्यक्तिले अनिवार्य रुपमा सात दिन क्वारेन्टाइनमा बस्नुपर्ने, सीमामा आवातजावत गर्दा अनिवार्य रुपमा स्वास्थ्य मापदण्ड पालना गर्न सरकारको आग्रह ।
४) महाधिवेशपछि एमाले एकताबद्ध भएको नेकपा एमालेका सचिव योगेश भट्टराईको भनाइ, महाधिवेशनबाट आर्जन गरेको शक्ति आगामी निर्वाचनमा देखिने उल्लेख ।
५) सर्वोच्च अदालतको समस्या संवादबाट समाधान हुनुपर्नेमा नेकपा एसका अध्यक्ष नेपालको जोड, लोकतन्त्रको सुदृढीकरण र संघीयता रक्षा गर्न बनेको राजनीतिक गठबन्धनमा कुनै समस्या नभएको भनाइ ।
६) आगामी निर्वाचनमा नेकपा (माओवादी) पहिलो दल हुने माओवादी केन्द्रका प्रवक्ता महराको दाबी, अहिले माओवादी दुब्लाएको जस्तो देखिए पनि आगामी निर्वाचनमा २०६४ कै अवस्थामा फर्कने जिकिर ।
७) कार्यभार सम्हालेदेखि मन्त्रालयको खर्चमा मितव्ययिता आएको पर्यटन मन्त्री आलेको दाबी, खतराजन्य पदार्थ आयात निर्यातको अनुमति पाउनु नेपालको लागि उपलब्धि भएको उल्लेख ।
८) मदरसा शिक्षालाई पाठ्यक्रममा समावेश गर्ने शिक्षामन्त्री पौडेलको प्रतिबद्धता, दलहरूभित्रै संविधानको भावनाअनुसार समावेशिताको सिद्धान्तलाई अंगीकार गरिसकेको अवस्था नरहेको स्वीकार ।
९) राष्ट्रिय जनमोर्चा पार्टीले ग¥यो आन्दोलनको घोषणा, २८ गते एमसीसी संसदमा जानसक्ने भन्दै सम्झौताको विरोधमा प्रदर्शन गर्न निर्देशन ।
१०) पछिल्लो २४ घण्टामा गरिएको ८ हजार ६ सय १७ परीक्षणमा थप २ सय ६५ जनामा कोरोना भाइरस संक्रमण पुष्टि, ३ सय ५७ जना कोरोना संक्रमणमुक्त, २ जनाको मृत्यु ।
११) सोमबार सेयर बजारमा हरियाली, नेप्से परिसूचक ३२ दशमलव २२ अंकले बढ्दा साढे ४ अर्बको कारोबार, विकास बैंकमा लगानीकर्ताको आकर्षण ।
१२) नोबेल शान्ति पुरस्कार विजेता प्रजातन्त्रवादी नेतृ आङ सान सुकीलाई चार वर्षको जेल सजाय, सेनाविरूद्ध नागरिकलाई भड्काएको र कोभिड–१९ रोकथामका मापदण्ड उल्लंघन गरेको आरोप ।
१३) उडेको केही क्षणमै अमेरिकाको क्यालिफोर्नियामा विमान दुर्घटना, दुर्घटनामा परी ४ जनाको मृत्यु, दुर्घटना कसरी भयो भन्नेबारे अनुसन्धान हुँदै ।
१४) आईसीसीको टी–ट्वान्टी वरीयतामा नेपाल १२औँ स्थानमा यथावत, वरीयतामा इंग्ल्यान्ड पहिलो, भारत दोस्रो र पाकिस्तान तेस्रो स्थानमा ।
१५) र, इङ्लिस प्रिमियर लिग फुटबलअन्तर्गत आज इभर्टन र आर्सनल भिड्दै, दुवै टिम एक–अर्कालाई हराएर जित हात पार्ने दाउमा ।
यो खबर पढेर तपाईलाई कस्तो महसुस भयो ?
प्रतिक्रिया