शनिबार देशभर २१३ जनामा कोरोना संक्रमण पुष्टि, कतिले जिते कोरोना ?

काठमाडौं । पछिल्लो २४ घण्टामा नेपालमा थप २१३ जनामा कोरोना भाइरसको संक्रमण पुष्टि भएको छ ।

देशभर कुल ६ हजार ६३२ जनाको परीक्षण गर्दा २१३ जनामा संक्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।

त्यसैगरी पछिल्लो २४ घण्टामा देशभरबाट थप ३२५ जना कोरोना संक्रमणमुक्त भएका छन् । योसँगै नेपालमा कुल संक्रमणमुक्त हुनेको संख्या ८ लाख २ हजार ४४७ पुगेको छ । मन्त्रालयका अनुसार नेपालमा कोरोना संक्रमणमुक्त हुनेको दर ९७.७ प्रतिशत रहेको छ । हाल देशभर ७ हजार १५६ जना सक्रिय संक्रमित रहेको मन्त्रालयले जनाएको छ ।

मन्त्रालयका अनुसार हालसम्म नेपालमा कोरोना संक्रमणको कारण ११ हजार ५ सय २१ जनाको मृत्यु भएको छ । पछिल्लो २४ घण्टामा मात्रै नेपालमा कोरोनाको कारण थप ३ जनाको मृत्यु भएको हो ।