काठमाडौं । अब सर्वोच्च अदालतमा विभिन्न मुद्दाको पेसी गोलाप्रथाबाट तोकिने भएको छ ।
बिहीबार (आज) सर्वोच्चमा बसेको फुलकोर्ट बैठकले आगामी मंसिर १५ गतेबाट लागू हुनेगरी सो निर्णय भएको सर्वोच्चका सूचना अधिकारी देवेन्द्र ढकालले लोकपथलाई जानकारी दिए ।
यसअघि नै फुलकोर्ट बैठकले गोलाप्रथाबाट पेसी तोक्नेगरी निर्णय गरेको थियो । पास गरी कानुनी मान्यता पाएको उक्त प्रावधानलाई पुनः फुलकोर्ट बैठकले अनुमोदन गरेको उनको भनाइ रहेको छ ।
‘यसअघि नै प्रस्ताव गरिएको निर्णयलाई कानुनी मान्यता दिएपछि फुलकोर्ट बैठकले निर्णय गरेको हो । जसअनुसार आगामी मंसिर १५ गतेबाट विभिन्न मुद्दाको पेसी गोलाप्रथाबाट तोकिन्छ । ’ ढकालले लोकपथसँग भने ।
सर्वोच्च अदालतको नियमावली संशोधन गरी राजपत्रमा प्रकाशित भएको छ ।
यो खबर पढेर तपाईलाई कस्तो महसुस भयो ?
प्रतिक्रिया