८ कार्तिक २०७८, सोमवार

विकराल बन्दै बेरोजगारको समस्या : सरकार खोइ रोजगारी ?

२०७८,भाद्र,२४,बिहीवार १४:२४


सरकारले आम नेपालीलाई रोजगार दिने प्रतिबद्धता गरे पनि अझै पनि हजारौँ युवाहरु बेरोजगार छन् ।

सरकारले प्रशस्त मात्रामा रोजगारीको सिर्जना गर्न नसक्दा मुलुकमा बेरोजगारी बढ्दै गएको हो । त्यसका साथै कोरोना महामारीका कारण पनि बेरोजगारको संख्या झनै विकराल बन्दै गइरहेको छ । महालेखापरीक्षकले गत वर्ष गरिबीको संख्या निकै बढेको देखाएको छ ।

महालेखाका अनुसार गत आर्थिक वर्ष २०७७/७८ मा मुलुकभरि ७ लाख ५२ हजार ९ सय ५५ जना बेरोजगार भएको जनाएको छ । त्यसैगरी, २०७६÷७७ मा ३ लाख ६९ हजार ३१३ जना, २०७५/७६ मा १ लाख ७० हजार ५ सय ७१ बेरोजगार रहेको महालेखाको प्रतिवेदनमा उल्लेख छ । महालेखाका अनुसार एक वर्षको अन्तरालमा ३ लाख ८३ हजार ६ सय ४२ जना बेरोजागर थपिएको वार्षिक प्रतिवेदनमा उल्लेख गरेको छ । यो बेरोजगारको संख्या मुलुकभरका ७ सय ५३ रोजगार सेवा केन्द्रबाट थपिएको हो ।

कोरोनाका महामारीका कारण धेरै मानिसहरूले रोजगारी गुमाएका छन् भने कायौँको तलब सुविधा काटिएको छ । स्थानीयस्तरमा बेरोजगारीको संख्या बढ्दो र वैदेशिक रोजगारीबाट स्वदेश फर्केकाले पनि रोजगारी नपाएकाले मुलुकमा हरेक दिनजसो बेरोजगारको संख्या बढ्दै गएको महालेखाले जनाएको छ । स्वदेशमा रोजगार उपलब्ध नहुँदा वैदेशिक रोजगारमा जाने युवाको संख्या पनि कम छैन ।

महालेखाको प्रतिवेदनअनुसार आर्थिक वर्ष २०७५/७६ मा ६४६ स्थानीय तहमा १७ लाख २ हजार व्यक्ति दर्ता भएका थिए । जसमध्ये १ लाख ७१ हजारलाई करिब १३ दिन रोजगारी उपलब्ध गराइएको थियो । २०७६÷७६ मा ४९५ स्थानीय तहमा ३ लाख ६९ हजार बेरोजगारीको सूचीमा दर्ता भएका थिए । विभिन्न काम गरी १ लाख ४ हजार जनाले करिब १६ दिन काम पाएको महालेखाले उल्लेख गरेको छ ।

सरकारले गरिबी न्यूनीकरण गर्न तथा स्वदेशमै रोजगार सिर्जना गर्न प्रधानमन्त्री रोजगारी कार्यक्रम लागू गरे पनि यो कार्यक्रम प्रभावकारी बन्न सकेको छैन । यो रोजगार कार्यक्रम प्रधानमन्त्री सम्बद्ध पार्टीका नजिक तथा चिनेजानेका र कार्यकर्तालाई मात्र पोस्ने काम हुँदै आएको छ ।

यस्तो छ वैदेशिक राेजगारीको अवस्था

नेपालमा रोजगारीको अवसर प्राप्त नभएपछि रोजगारीका लागि हरेक वर्ष हजारौँ युवाहरु रोजगारीका लागि बाहिरिने गरेका छन् । तर पछिल्लो वर्षमा भने कोरोनाका कारण वैदेशिक रोजगारीमा जानेको संख्या घटेको देखिएको छ । नेपाल राष्ट्र बैंकका अनुसार आर्थिक वर्ष २०७७/७८ मा वैदेशिक रोजगारीका लागि अन्तिम श्रम स्वीकृति (संस्थागत तथा व्यक्तिगत–नयाँ र वैधानिकीकरण) लिने नेपालीको संख्या ६२.८ प्रतिशतले घटेको छ । अघिल्लो वर्ष यस्तो संख्या २०.५ प्रतिशतले घटेको थियो । वैदेशिक रोजगारीका लागि पुनः श्रम स्वीकृति लिने नेपालीको संख्या ४६.८ प्रतिशतले घटेको छ । अघिल्लो वर्ष यस्तो संख्या ३४.७ प्रतिशतले घटेको थियो ।

प्रकाशित मिति: २०७८,भाद्र,२४,बिहीवार १४:२४

प्रतिक्रिया दिनुहोस !
सम्बन्धित खबरहरु

भ्रष्टाचारको अन्त्य हुन्छ, सुशासन आउँछ : कांग्रेस नेपाललाई स्वीजरल्याण्ड बनाउँछौँ : पुष्पकमल दाहाल (प्रचण्ड) नेपालमा पानीजहाज र रेल कुदाउँछौँ :

चितवन । नेपाल कम्युनिष्ट पार्टी (एमाले) को १० औँ महाधिवेशनको उदघाटन सत्र नारायणी नदी किनार नारायणगढ र बन्द सत्र सौराहामा

श्वास प्रश्वास सम्बन्धी देखिने एलर्जीक राइनाइटिसको समस्या अहिले बढ्दै गएको चिकित्सकहरूले बताएका छन् । वायुमण्डलमा भएका विभिन्न किसिमका प्रदूषण देखि

काठमाडौं । नेपालमा पछिल्लो २४ घण्टामा थप ५ सय ५७ जनामा कोरोना संक्रमण पुष्टि भएको छ । पछिल्लो २४ घण्टामा

ताजा समाचार

मङ्सिर र पुसमा बाघ गणनाको तयारी
 २०७८,कार्तिक,८,सोमवार १०:५४
वालुङ समुदायको फुटुक पर्व आजदेखि सुरु
 २०७८,कार्तिक,८,सोमवार १०:३१
नेताका कुरा, किन हुँदैनन् पूरा ?
 २०७८,कार्तिक,८,सोमवार १०:०९
वालुङ समुदायको फुटुक पर्व आजदेखि शुरु
 २०७८,कार्तिक,८,सोमवार ०९:२७