२०७७, २२ फाल्गुन शनिवार १०:३३

मङ्गल ग्रहमा पहिलो पटक गुड्यो पर्सिभिअरन्स (तस्वीरहरु हेर्नुहोस्)


प्रकाशित मिति : २०७७, २२ फाल्गुन शनिवार १०:३३

काठमाडौं । अमेरिकी अन्तरिक्ष निकाय नासाको पर्सिभिअरन्सको यानले आफ्नो पाङ्ग्रा निकालेर मङ्गल ग्रहको सतहमा पहिलो परीक्षण यात्रा गरेको छ।

शुक्रवार पृथ्वीमा डाउनलोड गरिएका तस्वीरहरुले सो रोबोटले छोटो यात्रा गरेको सङ्केत दिएको छ।

एक टन वजन भएको रोबोट मङ्गल ग्रहको सतहमा ओर्लिएको दुई साता पूरा भइसकेको छ।

यो दुई सातामा वैज्ञानिकहरूले सो यानका थुप्रै प्रणालीलाई सक्रिय बनाएका छन्।

मङ्गल ग्रहमा पर्सिभिअरन्स अवतरण गर्दै गरेको अदभुत भिडिओ सार्वजनिक नासाको रोबटले मङ्गल ग्रह छुनुअघिका केही अद्‍भुत तस्बिरहरू पृथ्वी आइपुगे पर्सिभिअरन्स मङ्गल ग्रहमा कुनै बेला भएको हुन सक्ने जीवनको प्रमाण खोज्ने जनाइएको छ।

त्यो खोजका लागि यसले मङ्गल ग्रहको एक वर्ष (पृथ्वीको लगभग दुई वर्ष) मा १५ किलोमिटर यात्रा गर्ने अपेक्षा गरिएको छ।

वैज्ञानिकहरूले कुनै बेला ठूलो ताल रहेको ठानिएको क्षेत्रमा प्रागऐतिहासिक जीवनको अवशेषको खोजीमा विभिन्न चट्टानको अध्ययन गर्ने प्रयास गर्नेछन्। तर चट्टानहरू खोतलेर हेर्नु अगाडि पर्सिभिअरन्स‌ले विभिन्न परीक्षणहरू गर्नेछ।

यस क्रममा त्यसले एउटा सानो हेलिकप्टरको उडान पनि गराउनेछ।

आगामी केही साता उक्त यानले हेलिकप्टर निकालेर राख्न उपयुक्त स्थानको खोजी गर्नेछ।

अहिले सो हेलिकप्टर यानभित्र तलपट्टिको भागमा रहेको छ।

एजेन्सीबाट

प्रतिक्रिया दिनुहोस