२०७७, १९ फाल्गुन बुधबार २०:४३

कोरोना अपडेट: ८७ जना संक्रमित, ६२ जना निको


प्रकाशित मिति : २०७७, १९ फाल्गुन बुधबार २०:४३

काठमाडौँ– देशभर पछिल्लो २४ घण्टामा थप ८७ जनामा कोभिड–१९ को सङ्क्रमण पुष्टि भएको छ।

स्वास्थ्य तथा जनसङ्ख्या मन्त्रालयका अनुसार पछिल्लो समय तीन हजार ३३९ जनाको स्वास्थ्य परीक्षण गर्दा ३५ महिला र ४२ पुरुष गरी सो सङ्ख्यामा सङ्क्रमण पुष्टि भएको हो । त्यस्तै पछिल्लो समय कोरोनाका कारण मृत्यु हुनेको सङ्ख्या एक रहेको छ ।

नेपालमा आजसम्म कोरोना भाइरस सङ्क्रमितको सङ्ख्या दुई लाख ७४ हजार ३८१ पुगेको छ । पछिल्लो समय थप ६२ जना निको भएका छन् । योसँगै निको हुनेको सङ्ख्या दुई लाख ७० हजार ६०५ रहेको छ । निको हुनेदर भने ९८ दशमलव छ प्रतिशत रहेको छ ।

अहिले देशभर ७६६ सक्रिय सङ्क्रमित छन् । उनीहरुमध्ये ५९ जना क्वारेन्टिनमा रहेका छन् भने अन्य आइसोलेशनमा रहेका छन् । हालसम्म नेपालमा २१ लाख ७३ हजार ५११ को पिसिआर परीक्षण भएको छ ।

पछिल्लो समय कोरोनाका कारण थप एकको मृत्यु भएको छ । योसँगै हालसम्मा दुई हजार ७७३ जनाले कोरोनाका कारण ज्यान गुमाएको मन्त्रालयले जनाएको छ ।

प्रतिक्रिया दिनुहोस