बाढीपहिरोका कारण मोरक्कोमा कम्तिमा २५ जनाको मृत्यु

एजेन्सी । मोरक्कोमा अविरल वर्षापछि गएको बाढीपहिरोमा परेर कम्तिमा २५ जनाको मृत्यु भएको छ। देशको उत्तरतर्फ पर्ने तान्गिरमा सोमवार आएको बाढीमा परेर कम्तिमा २५ जनाको मृत्यु भएको अन्तर्राष्ट्रिय सञ्चारमाध्यमले जनाएका छन् ।

घटनास्थलबाट २४ शव निकालिएको र १० जनाको उद्धार गरिएको समाचार संस्था एएफपीलाई उदृत गर्दै अलजजिराले जनाएको छ । मृतकहरु सबै गैरकानुनी रुपमा सञ्चालित कपडा कारखानामा काम गर्ने २० देखि ४० वर्ष उमेर समूहका कामदार रहेको जनाइएको छ ।

घटनास्थलमा खोजी तथा उद्धारको प्रयास जारी छ। घटनामा थप कति कमदारहरू परेका छन् भन्ने यकिन हुन सकेको छैन ।