उपत्यकाका तीन जिल्लामा प्रेस संगठन पुनर्गठन

काठमाडौं । प्रेस संगठन नेपालले काठमाडौं, ललितपुर र भक्तपुरमा आफ्नो संगठन पुनर्गठन गरेको छ । काठमाडौँ उपत्यका प्रदेश कमिटीको बैठकले तीनै जिल्लाको संगठन पुनर्गठन गरेको हो ।

पुनर्गठित संगठनको काठमाडौंका संयोजकमा पुकार तिमिल्सना र सहसंयोजक ज्योति जिसी तथा नूरराज कँडेल, ललितपुर संयोजकमा बालमुकुन्द आचार्य र सहसंयोजक अशोक दुलाल तथा भक्तपुर संयोजकमा हेमराज ढकाल र सहसंयोजक अञ्जना शिल्पकार रहेका छन् । संगठनको यही माघ ८ गतेको भेलाले गणेश बस्नेतलाई संयोजकको जिम्मेवारी दिएको थियो ।