ट्रम्प कार्यकालको एउटा अनौठो रिपोर्ट

काठमाडौं । अमेरिकाका पूर्व राष्ट्रपति डोनाल्ड ट्रम्पको कार्यकालमा भेदभाव बढेको थियो र श्वेत राष्ट्रवादको आडमा रंगभेदी आन्दोलन चरममा पुगेको थियो । यहाँसम्मकी ट्रम्प विदाई हुँदै गर्दा समेत क्यापिटल हिलमा हिंसा भयो, जसमा ५ जनाको ज्यान गयो ।

यी सबकाबीच एक अनौठो रिपोर्ट बाहिरिएको छ । यसका अनुसार डोनाल्ड ट्रम्पको कार्यकालमा अमेरिकामा हेट ग्रुप्सको संख्या लगातार दोश्रो वर्ष घटेको छ । तर नराम्रा कन्टेन्ट ४ गुणाले बढेको छ ।

ओबामा र बुशको कार्यकालमा हेट ग्रुपको संख्या धेरै थियो । क्लिनटन भने यी तीनजनै पूर्वराष्ट्रपति भन्दा उतकृष्ट ठहरिएका छन् । साउदर्न पावर्टी लो सेन्टरको रिपोर्टका अनुसार अमेरिकामा गत २० वर्षको हेट ग्रुप्सको विश्लेषण गर्ने हो भने बिल क्लिन्टन उत्कृष्ट ठहरिएका छन् ।

उनको कार्यकालको अन्तिम वर्ष अमेरिकामा मात्र ६६७ हेट ग्रुप सक्रिय थिए ।

बुशको पालामा यो संख्या ९३२ र ओबामाको कार्यकालमा भने ९१९ थियो । ट्रम्पको कार्यकालमा लगातार दोश्रो वर्ष यसको संख्या घटेको हो ।