काठमाडौं । नेपाल कम्युनिष्ट पार्टी (नेकपा) निकट पेशागत महासंघ नेपाल (कोनेप) को राष्ट्रिय भेलाले शिक्षक नेता बाबुराम थापाका संयोजकत्वमा केन्द्रीय कमिटी पुनर्गठन गरेको छ ।
महासंघका संयोजक विश्वनाथ प्याकुर्याललाई जिम्मेवारी मुक्त गर्दै भेलाले नेपाल शिक्षक महांघका अध्यक्ष एवम् नेकपाका केन्द्रीय सदस्य थापालाई चयन गरेको हो । भेलाले सहसंयोजकमा दयाराम बस्याललाई चयन गरेको छ भने केन्द्रीय सदस्य सङ्ख्या विस्तार गरी २७५ बनाएको छ ।
विभिन्न २३ घटक संस्था र ६२ जिल्ला कमिटी रहेको महासंघका काठमाडौं उपत्यका प्रदेशसहित आठ प्रदेशका नेतृत्व पनि हेरफेर भएकाले अब आफूहरु गतिशीलताका साथ अघि बढ्ने संयोजक थापाले जानकारी दिए । भेलाको हिजो शनिवार नेकपाका महासचिव एवम् अर्थमन्त्री विष्णुप्रसाद पौडेलले उद्घाटन गरेका छन् ।
