काठमाडौं । नेपाल कम्युनिष्ट पार्टीको दाहाल-नेपाल समूहका अध्यक्ष पुष्पकमल दाहाल प्रचण्डले फागुन पहिलो सातादेखि संयुक्त जनआन्दोलन हुनसक्ने बताएका छन् । दाहालले माघ २८ गतेको विशाल प्रदर्शनपछि पनि केपी ओली नसच्चिए फागुन पहिलो सातादेखि हुने संयुक्त जनआन्दोलनपछि ओलीको आयु सकिने चेतावनी दिए ।
“हामी माघ २८ गते विशाल प्रदर्शन गर्दैछौं। त्यसपछि पनि प्रतिगमन सच्चिएन भने फागुन पहिलो सातादेखि संयुक्त जनआन्दोलन हुन्छ। त्यसपछि केपी ओलीको आयु सकिन्छ,” ललितपुरमा कार्यकर्ताहरुसँगै नाराबाजीमा उत्रिएका दाहालले भने ।
ओली समूहले भोलि गर्ने भनिएको सभालाई ‘पञ्चे र्याली’को संज्ञा दिँदै उनले ओलीले पैसा तिरेर मान्छे ल्याएर र्याली गर्न लागेको आरोप समेत लगाए । “२०४६ सालको जनआन्दोलन अघि पञ्चायतले पैसा दिएर लाखौं मान्छे ल्याएर र्याली गर्थ्यो। अहिले उहाँहरूले पनि त्यही गर्न लाग्नुभएको छ । हामीले जनआन्दोलन गरिरहेका छौं। उहाँहरू पञ्च र्याली गर्दै हुनुहुन्छ,” दाहालले भने ।
यो खबर पढेर तपाईलाई कस्तो महसुस भयो ?
प्रतिक्रिया