नेपालमा ५ सय २७ जना कोरोना संक्रमण मुक्त हुँदा थपिए ४ सय ८८ संक्रमित

काठमाडौं । नेपालमा पछिल्लो २४ घण्टामा थप ५ सय २७ जना कोरोना संक्रमण मुक्त भएका छन् । योसँगै नेपालमा कुल कोरोना संक्रमण मुक्त हुनेको संख्या २ लाख ५८ हजार ९६८ पुगेको छ ।

नेपालमा पछिल्लो २४ घण्टामा ४८८ जनामा कोरोना संक्रमण पुष्टि भएको छ ।

योसँगै नेपालमा कुल कोरोना संक्रमितको संख्या २ लाख ६५ हजार २६८ पुगेको स्वास्थ्य मन्त्रालयले जनाएको छ ।

त्यस्तै पछिल्लो २४ घण्टामा नेपालमा कोरोना भाइरसका कारण १० जनाको मृत्यु भएको छ । योसँगै नेपालमा कोरोनाबाट मृत्यु हुनेको कुल संख्या १ हजार ९२७ पुगेको छ ।

हाल नेपालमा सक्रिय संक्रमितको संख्या ४ हजार ३७३ रहेको छ ।

अहिलेसम्म नेपालमा १९ लाख ८७ हजार ५५५ वटा पीसीआर नमूना परीक्षण भएका छन् ।

नेपालमा क्वारेन्टाइनमा रहनेको संख्या २३७ रहेको छ ।