इतिहासमा आज : ती व्यक्तिको जन्म भयो, जसको कारणले दृष्टीबिहीनले पढ्न-लेख्न पाए

काठमाडौं । फ्रान्सको एउटा सानो शहर हो कप्रे । त्यहाँ १८०९ मा आजकै दिन लुई ब्रेलको जन्म भएको थियो । तिनै लुई ब्रेल, जसले दृष्टीबिहीनका लागि ब्रेल लिपिको आविष्कार गरे । उनी सानैबाट नेत्रबिहीन भने होइनन् । तर उनको सानोमा दुर्घटना भयो र उनले नेत्र गुमाए ।

उनका पिता साइमन रेले ब्रेल शाही घोडाको लागि काठी बनाउने काम गर्दथे । उनीमाथि कामको धेरै भार पर्दथ्यो । जसका कारण उनले लुईलाई पनि तीन वर्षैबाट काममा लगाए ।

एक दिन लुई पितासँग काम गर्दैगर्दा औजारसँग खेल्न थाले ।

एक औजारले उनको आँखामा लाग्यो र उनको आँको ज्योती गुम्यो । त्यो बेला उनलाई परिवारले सामान्य चोट भनेर ध्यान दिएनन् । तर जब उनको उमेर बढ्दै गयो, तब उनको घाउ बढ्दै गयो ।

८ वर्षको उमेरमा उनको आँखाको ज्याति गुम्यो । उनी १६वर्षको हुँदा उनको भेट फ्रान्सका सेनाका क्याप्टेन चाल्र्स बार्बियरसँग भयो । चाल्र्सले उनलाई नाइट राइटिङ र सोनोग्राफीको बारेमा बताए ।

त्यसकै मद्दतले सैनिक अध्याँरोमा पढ्न सक्थे । यो लिपी कागजमा राखिएको हुन्थ्यो । त्यहिबाट लुईलाई ब्रेल लिपिको आईडिया आयो ।