इतिहासमा आज : विश्वकै चर्चित राइफल ‘एके-४७’ बनाउनेको पुण्यतिथि

काठमाडौं । एके ४७ संसारमा सायद सबैभन्दा धेरै प्रयोग हुने राइफल हो । संसारभरमा एके-४७ का करिव १० करोड फरक फरक भर्जन प्रयोगमा आइसकेका छन् ।

यसलाई बनाउने मिखाइल कलाश्निकोवको आज पुण्यतिथि हो । २०१३ मा आजकै दिन उनको निधन भएको थियो । उनी १९१९ मा सोभियत संघको कुर्यामा जन्मिएका थिए ।

उनलाई मेसिनहरुमा यति धेरै मायाँ थियो कि, उनी सेनामा ट्यांक मेकानिकको रुपमा भर्ती भएका थिए । साथै उनी कविता लेखन धेरै रुचाउँथे । उनले जीवनभर कविता लेखे । उनको कविता ६ कितावमा छापिएका छन् ।