काठमाडौं । सत्तारुढ नेपाल कम्युनिस्ट पार्टी ९नेकपा०राजनीतिक रूपमा विभाजित भएको छ।नेकपा अध्यक्ष एवं प्रधानमन्त्री केपी शर्मा ओलीर कार्यकारी अध्यक्ष पुष्पकमल दाहालले मंगलबार छुट्टाछुट्टै केन्द्रीय कमिटीको बैठक डाकेर पार्टी विभाजनको रेखा कोरेका हुन् ।
केन्द्रीय कमिटी बैठकराखेर दुवै पक्षले आफूलाई संस्थापन दाबी गरेपछि अब विवादको निरूपण निर्वाचन आयोगले गर्नेछ।त्यहाँबाट निरूपण नभए विवाद सर्वोच्च अदालतमा पुग्ने स्थिति देखिएको छ।ओली समूहले कोही कसैलाई कारबाही नगरी ५५६ जना केन्द्रीय सदस्य थपेर महाधिवेशन आयोजक कमिटी बनाएको छ।ओलीले एक प्रकारले नेकपा पुनर्गठन गरेका छन्।दाहाल पक्षले ओलीलाई अध्यक्ष पदबाट हटाएर माधवकुमार नेपाललाई अध्यक्ष चयन गरेको छ।
ओली पक्षबाट पार्टी प्रवक्ता तोकिएका प्रदीप ज्ञवालीले अध्यक्ष, महासचिवर माइन्युटबिनाको बैठक वैधानिक नहुने भन्दै दाहाल–नेपाल पक्षले वैधानिकता नपाउने दाबी गरे।दाहाल–नेपाल पक्षले भने साबिक नेकपाका ४४१ केन्द्रीय सदस्यमध्ये ३१५ जना आफूसँगरहेको दाबी गरेको छ।दाहाल–नेपाल समूहले बहुमतको निर्णय मान्य हुने भएकाले आफूहरू नै संस्थापन पक्ष भएको बताएको छ।दुवै समूहले आफू नेकपाको संस्थापन पक्ष भएको दाबी गरेकाले विवाद निर्वाचन आयोगमा पुग्ने भएको छ।विवाद आयोगले विवाद टुंग्याउन सकेन भने सर्वोच्च अदालतमा पुग्नेछ। नागरिक दैनिकमा खबर छ ।
यो खबर पढेर तपाईलाई कस्तो महसुस भयो ?
प्रतिक्रिया