सरकारको निर्णय : भारत र चीनसँगको सीमा केहि समय बन्द नै राखिने

काठमाडौं – सरकारले कोरोना भाइरस ‘कोभिड – १९’ बाट आफ्ना नागरिकलाई जोगाउन भन्दै दुई छिमेकी मूलुक (भारत र चीन) सँग महामारीपछि बन्द गरेको सीमालाई अझै बन्द राख्ने निर्णय गरेको छ ।

आज (मंगलबार) बसेको मन्त्रिपरिषद् बैठकले हाल बन्द रहेको सीमालाई अझै बन्द अवस्थामा नै राख्ने निर्णय गरेको हो।

कोरोना महामारीपछि अत्यावश्यक अवस्थामा भारततर्फ ११ वटा नाकाबाट र चीनतर्फ एउटा नाकाबाट आवतजावत गर्न पाउने निर्णय गरेको थियो ।

कोरोनाको अवस्थालाई विचार गरेर सीमा अझै बन्द नै राख्ने आज निर्णय भएको हो ।