अपाङ्गता भएका दाजुभाइलाई घरमै नागरिकता

लमजुङ । यहाँ अपाङ्गता भएका दाजुभाइलाई जिल्ला प्रशासन कार्यालयद्धारा घरमै नागरिकता वितरण गरिएको छ । जिल्लास्थित सुन्दरबजार नगरपालिका वडा नं २ का कृष्णबहादुर अधिकारीका छोरा २७ वर्षीय कुमार अधिकारी र २५ वर्षीय कमल अधिकारीलाई घरमै पुगेर जिल्ला प्रशासन कार्यालयले आज नागरिकता वितरण गरेको हो ।

प्रमुख जिल्ला अधिकारी कृष्णप्रसाद शर्माले अपाङ्गता भएका दाजुभाइको घरमै पुगेर उनीहरुलाई नागरिकताको प्रमाण–पत्र वितरण गरेका हुन् । प्रमुख जिल्ला अधिकारी शार्माले भने, “कार्यालयमा आई नेपाली नागरिकताको प्रमाण–पत्र लिन शारिरीक अवस्थाका कारण उत्पन्न असहजता महशुस गर्दै घरमै पुगेर नागरिकता दिएका हौँ ।” रासस