बंगलादेशमा बलात्कारीलाई अब देखि मृत्युदण्ड दिइने

काठमाडौं । बंगलादेशमा बलात्कारीलाई फाँसीको सजाय दिइने भएको छ । बंगलादेश सरकारले कानून संशोधन गर्दै बलात्कारलिाई फाँसी दिने घोषणा गरेको हो ।

बलात्कारका घटना लगातार बढ्दै जान थालेपछि बंगलादेश सरकारले कानून संशोधन गर्दै दोषीलाई कठोर सजायको व्यवस्था गरेको हो ।

बंगलादेशका कानूनमन्त्री अनिसुल हकले राष्ट्रपतिले हस्ताक्षर गरेपछि मंगलवारबाट कानून लागू हुने बताएका छन् ।

केही दिन अघि मात्र बंगलादेशमा सामुहिक बलात्कारको एउटा घटनाको विरोधमा देशव्यापी प्रदर्शन भएको थियो । प्रदर्शनकारीले बलात्कारीलाई कठोर सजायको व्यवस्था गर्न सरकारसँग माग गर्दै आएका थिए ।

एजेन्सीको सहयोगमा