७ चैत्र २०७९, मंगलवार

विराटनगर जुट मिल सञ्चालन गर्न आर्थिक समस्या

२०७४,आश्विन,९,सोमवार ०८:४५

0
Shares

मोरङ, ९ असोज ।विराटनगर जुट मिल सञ्चालन गर्न आर्थिक समस्या भएको छ ।मिल सञ्चालन गर्न रु १० करोड बजेट आवश्यक भएपनि अहिलेसम्म सरकारले बजेट उपलब्ध गराउन सकेको छैन । मिल सञ्चालनका लागि कच्चा पदार्थ खरिद गर्नुपर्ने भएकाले उक्त रकम आवश्यक परेको हो ।सरकारले बजेट उपलब्ध गराउन आश्वासन दिएपनि अहिलेसम्म पठाउने कुनै चाँजोपाँजो नगरेको उक्त मिलका निर्देशक राजेन्द्र कार्कीले बताए । मिल सञ्चालनका लागि मेसिन मर्मतको काम अन्तिम चरणमा छ । विराटनगर जुट मिल पूर्णरुपमा सञ्चालन भए करिब चार हजार जनाले रोजगारी पाउने सम्भावना छ । सो मिलबाट दैनिक ४५ टन जुटजन्य सामान उत्पादन हुनेछ ।विराटनगर जुट मिल अहिले ऋणैऋणमा डुबेको छ । जुट मिललाई अहिले साँवा, ब्याज र ब्याजको स्याजसमेत गरेर रु तीन अर्ब २० करोड ऋण पुगेको छ । यी तमाम् समस्याका बीच सञ्चालक समितिले जुट मिललाई सञ्चालन गर्नका लागि अहिले मेसिन मर्मतको कामलाई तीव्रता दिएको छ ।मिल सञ्चालनका लागि आएको प्रविधिक टोलीका एकजना प्राविधिक आमोद पोखरेलका अनुसार मिल मर्मतको काम अन्तिम चरणमा रहेकाले मंसिरदेखि मिल सञ्चालनमा आउने बताए । मुलुककै जेठो जुट मिल सञ्चालनका लागि पूर्व तयारीस्वरुप उपकरणको मर्मत जारी छ । मिलका मेसिन तथा पार्टपूर्जाको इन्जिनियर सौरभ विष्ट नेतृत्वको प्राविधिक टोलीले मर्मत शुरु गरेको हो ।मिलको मर्मत सम्भारपछि आगामी मंसिरदेखि जुटका सामग्री उत्पादन गर्ने लक्ष्य रहेको छ । व्यवस्थापन समितिका अनुसार मिलमा ७० प्रतिशतभन्दा बढी मेसिन तथा पार्टपूर्जा मर्मत गर्नुपर्ने अवस्था छ । प्राविधिक टोलीले करिब दुई महिनामा मर्मतको काम सक्ने बताइएको छ । करिब रु १० करोड लागतमा आधुनिक पाटपूर्जा जडान गरिने व्यवस्थापन समितिले जनाएको छ ।नेपाल विद्युत् प्राधिकरणले मिल सञ्चालन गर्न आवश्यक पर्ने ३३ केभिए विद्युत् प्रसारण लाइन जडान गर्न स्वीकृति दिएको छ । तर आर्थिक समस्या रहेको जुट मिलका निर्देशक कार्की बताउनुहुन्छ । लामो समयको विवादसँगै आर्थिक अपचलनका कारण समस्यामा परेको विराटनगर जुट मिल फेरि सञ्चालनको तयारीमा छ ।

प्रकाशित मिति: २०७४,आश्विन,९,सोमवार ०८:४५

प्रतिक्रिया दिनुहोस !
सम्बन्धित खबरहरु

घोडेजात्रा एउटा अत्यन्तै पुरानो जात्राका रुपमा प्राचीन कालदेखिनै काठमाडौ उपत्यकामा मनाइँदै आइएको परम्परा हो । प्रत्येक वर्ष चैत्र कृष्णपक्ष औँसीका

संस्कृतिका दृष्टिले वैभवपूर्ण काठमाडौं उपत्यका मन्दिरै–मन्दिर र जात्रै–जात्राको सहर हो । हरेक वर्ष घोडेजात्राको अघिल्लो दिनदेखि तीन दिनसम्म उपत्यकाका नेवार

काठमाडाैं । मुलुकले सङ्घीय गणतन्त्रात्मक व्यवस्थाको अभ्यास गर्न थालेको सात वर्ष पूरा भएको छ । संविधानले सङ्घ, प्रदेश र स्थानीय

काठमाडौं । गोंगबुस्थित नयाँ बसपार्क सञ्चालनको जिम्मा पाएको ल्होत्से बहुउद्धेश्यीय प्रा.लिले काठमाडौं महानगरपालिका (कामनपा)लाई तिर्नुपर्ने रोयल्टी (दस्तुर) नतिरेको पाइएको छ

ताजा समाचार

पटारमा ‘एक घर, एक धारा’
 २०७९,चैत्र,७,मंगलवार १२:३८