काठमाडौं । नेपालमा पछिल्लो २४ घण्टामा थप १ हजार २ सय २१ जनामा कोरोना संक्रमण पुष्टि भएको छ । यो हालसम्मकै उच्च हो । त्यससँगै नेपालमा कुल संक्रमितको संख्या ३८ हजार ५ सय ६१ पुगेको छ । नेपालमा हालसम्म कोरोनाको कराण २ सय २१ जनाको ज्यान गएको छ । पछिल्लो २४ घण्टामा मात्र थप १४ जनाको कोरोनाको कारण मृत्यु भएको स्वास्थ्य मन्त्रालयका प्रवक्ता डा. जागेश्वर गौतमले जानकारी दिए ।
हालसम्म नेपालमा कुल संक्रमितको ५४ प्रतिशत अर्थात २० हजार ८ सय २२ जना कोरोना उपचारपछि निको भएर घर फर्किएका छन् । पछिल्लो २४ घण्टामा मात्र देशभरबाट २ सय ६७ जना कोरोना मुक्त भइ घर फर्किएका हुन् ।
त्यस्तै नेपालमा हाल सक्रिय संक्रमितको संख्या १७ हजार ५ सय १८ रहेको छ । जसमध्ये १० हजार ६ सय १२ जना संस्थागत र ६ हजार ९ सय ७ जना होम आइसोलेसनमा रहेको मन्त्रालयका प्रवक्ता डा जागेश्वर गौतमले जानकारी दिए ।
स्वास्थ्य मन्त्रालयले दिएको जानकारी अनुसार हालसम्म नेपालमा ६ लाख ८२ हजार ३ सय ४३ जनाको पीसीआर परीक्षण भएका छन् । पछिल्लो २४ घण्टामा देशका विभिन्न प्रयोगशालाहरुमा १२ हजार ७ सय १७ जनाको पीसीआर परीक्षणहरु भएका छन् । भने नेपालमा हाल ७ हजार ७ सय ७९ जना क्वारेन्टाइनमा रहेका छन् ।
कुन जिल्लामा कति छन् संक्रमित ?
एकैदिन कोरोनाको कारण १४ जनाको मृत्यु, मृतक संख्या २ सय २१ पुग्यो
नेपालमा कोरोनाको कारण थप १४ जनाको मृत्यु भएको छ । यो सँगै नेपालमा कोरोनाको कारण मृत्यु हुनेको संख्या २ सय २१ पुगेको स्वास्थ्य मन्त्रालयका प्रवक्ता डा जागेश्वर गौतमले जानकारी दिए । मृत्यु हुनेमध्ये १० जना पुरुष र ४ जना महिला रहेका छन् ।
मृत्यु हुने महिलाहरुमा सुनसरीकी ७४ वर्षीय, बाराकी ४७ वर्षीया, महोत्तरीकी ६२ वर्षीया र काठमाडौंकी ७२ वर्षीया गरी ४ जना महिलाहरु रहेका छन् ।
त्यस्तै मृत्यु हुने पुरुषहरुमा सुनसरीको ६० वर्षीय, मोरङको ६२ वर्षीय, महोत्तरीको ७० र ३५ वर्षीय गरी २ जना रहेका छन् । त्यस्तै रौतहटको ३० वर्षीय, ललितपुरको २९ वर्षीय, भक्तपुरको ६५ वर्षीय, नवलपरासीको ६२ र रुपन्देहीको ५७ र ६७ वर्षीय पुरुषको कोरोनाको कारण निधन भएको प्रवक्ता डा गौतमले जानकारी दिए ।
हाल नेपालमा कोरोनाको कारण मृत्यु हुनेको संख्या बढिरहेको छ । शनिवार मात्र नेपालमा कोरोनाको कारण १२ जनाको मृत्यु भएको थियो ।
काठमाडौं उपत्यकामा थपिए हालसम्मकै धेरै कोरोना संक्रमित
काठमाडौं उपत्यकामा थप ४ सय २९ जनामा कोरोना संक्रमण पुष्टि भएको छ । जस अनुसार काठमाडौंमा ३ सय ७२, भक्तपुरमा ४५ र ललितपुरमा १२ जना रहेको स्वास्थ्य मन्त्रालयका प्रवक्ता डा जागेश्वर गौतमले जानकारी दिए ।
उपत्यकामा थपिएको यो सबैभन्दा बढी संख्या हो । पछिल्लो समय काठमाडौं उपत्यकामा संक्रमितको संख्या बढिरहेको छ ।
यस्तो छ कोरोना मुक्त हुनेहरुको प्रादेशीक विवरण
नेपालमा बितेको २४ घण्टामा थप २ सय ६७ जना कोरोना संक्रमण मुक्त भएका छन् । योसँगै नेपालमा कोरोना संक्रमण मुक्त हुनेको संख्या २० हजार ८ सय २२ जना रहेका छन् ।
कुल संक्रमित मध्ये ५४ प्रतिशत संक्रमित संक्रमण मुक्त भई अस्पतालबाट डिस्चार्ज भएका स्वास्थ्य मन्त्रालयको नियमित प्रेस ब्रिफिङमा मन्त्रालयका प्रवक्ता प्रा.डा. जागेश्वर गौतमले जानकारी दिए ।
प्रदेश १ मा १५६९ जना
प्रदेश २ मा ४७४३ जना
वाग्मती प्रदेश १०२३ जना
गण्डकी प्रदेशमा १७०७ जना
प्रदेश ५ मा ४८४९ जना
कर्णाली प्रदेशमा २०८३ जना
सुदूरपश्चिम प्रदेशमा ४८४८ जना
हाल एक जना पनि कोरोना संक्रमित नभएका यी २ जिल्ला
नेपालको ७७ जिल्लामध्ये हाल २ जिल्लामा कोरोना संक्रमित छैनन् । २ जिल्ला कोरोना संक्रमित मुक्त भएको स्वास्थ्य मन्त्रालयको नियमित प्रेस ब्रिफिङमा मन्त्रालयका प्रवक्ता प्रा.डा. गौतमले जानकारी दिए ।
हाल कोरोना संक्रमित नभएका २ जिल्ला
- मुस्ताङ
- हुम्ला
५०० भन्दा बढी सकिय्र संक्रमित रहेका जिल्लाको संख्या ११ पुग्यो
नेपालमा पछिल्ला दिनहरुमा कोरोना संक्रमितको संख्या बढिरहेको छ । हाल नेपालका ११ जिल्लामा ५०० भन्दा बढी कोरोना संक्रमित रहेको स्वास्थ्य तथा जनसंख्या मन्त्रालयले जनाएको छ ।
- काठमाडौं
- ललितपुर
- पर्सा
- महोत्तरी
- रौतहट
- मोरङ
- बारा
- सर्लाही
- धनुषा
- चितवन
- रुपन्देही
यो खबर पढेर तपाईलाई कस्तो महसुस भयो ?
प्रतिक्रिया