कोरोनाको कारण मृत्यु हुनेको संख्या १ सय ४६ पुग्यो

काठमाडौं । नेपालमा कोरोनाको कारण पछिल्लो २४ घण्टामा थप ९ जनाको मृत्यु भएको छ ।

त्यससँगै नेपालमा कोरोनाको कारण मृत्यु हुनेको संख्या १ सय ४६ पुगेको स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले जानकारी दिए ।

आज थपिएका मृतक कहाँका कति ?

मृत्यु हुनेमा सुनसरीका ६७ वर्षीय पुरुष र ६ वर्षीया बालिका

पर्साका ६१ वर्षीय पुरुष, ५८ वर्षीय पुरुष र ४८ वर्षीय पुरुष

बाराका ५८ वर्षीय पुरुष

सिरहाका ६८ वर्षीय पुरुष

मकवानपुर ५६ वर्षीय पुरुष

भक्तपुरका ७३ वर्षीय पुरुष

मन्त्रालयका प्रवक्ता गौतमका अनुसार ० दशमलव ५ प्रतिशतको कोरोना संक्रमितको मृत्यु भएको छ ।

त्यस्तै नेपालमा बितेको २४ घण्टामा थप ६ सय ३८ जनामा कोरोना पुष्टि भएको छ ।

काठमाडौं उपत्यकामा बितेको २४ घण्टामा थप २ सय १६ जनामा कोरोना संक्रमण पुष्टि भएको छ । जसमध्ये काठमाडौंमा १ सय ६०, भक्तपुरमा ५० र ललितपुरमा ६ जनामा कोरोना पुष्टि भएको स्वास्थ्य तथा जनसंख्या मन्त्रालयका प्रवक्ता डा गौतमले जानकारी दिए ।