काठमाडौं । अमेरिकी राष्ट्रपतिका उम्मेदवार जो बिडेनको प्रशासनले अमेरिका र भारत सम्बन्ध सुदृढ पार्ने कार्यलाई उच्च प्राथमिकता दिने बताएको छ ।
शनिवारको एक कार्यक्रममा उनको प्रशासनले यदि आफ्नो प्रशासन यस पालिको चुनावमा निर्वाचित भएमा दक्षिण एशियामा सीमापार आतंकवादको लागि सहिष्णुता नहुने बताएको हो ।
बिडेन अभियानले शनिवार एक नीतिगत कागजात जारी गरेको थियो, जसमा बिडेन प्रशासनले नियममा आधारित र स्थिर इण्डो-प्रशान्त क्षेत्रलाई समर्थन गर्न भारतसँग मिलेर काम गर्ने बताएको हो ।
साथै चीन लगायत कुनै पनि देशले आफ्ना छिमेकीहरुलाई दण्डहीनताको धम्की दिन नसक्ने पनि बताइएको छ ।
‘बिडेनले भारत र संयुक्त राज्य अमेरिका प्राकृतिक साझेदारहरू हुन् भन्ने कुराको आफ्नो लामो समयदेखि विश्वास जगाउने छन् र बिडेन प्रशासनले अमेरिका भारत सम्बन्धलाई सुदृढ पार्न उच्च प्राथमिकता दिनेछ’ यसमा भनिएको छ।
‘भारत र संयुक्त राज्यले जिम्मेवार साझेदारको रूपमा काम नगरी कुनै पनि सामान्य विश्वव्यापी चुनौतीको समाधान गर्न सकिँदैन’ बिडेनले भनेका छन् ।
यो खबर पढेर तपाईलाई कस्तो महसुस भयो ?
प्रतिक्रिया