कोरोना कहर : भारतमा एकैदिन ८८० जनाको मृत्यु, संक्रमित ५० हजार भन्दा बढी

काठमाडौं । कोरोना भाइरसको महामारी अहिले सारा विश्वमा ग्रस्त छ ।

यो महामारीका कारण अहिलेसम्म विश्वमा ७ लाख ७७ हजार १२९ जनाको मृत्यु भएको छ भने १ करोड २० लाख ४० हजार ४१२ जनालाई संक्रमण भएको छ ।

त्यस्तै १ करोड ४७ लाख ८२ हजार ६९० जना संक्रमण मुक्त भएका छन् भने विश्वमा ६२ हजार ६५ जनाको स्वास्थ्य अवस्था गम्भीर रहेको छ ।

यसैबीच भारतमा कोरोना भाइरसका कारण अहिलेसम्म ५१ हजार ९२५ जनाको मृत्यु भएको छ भने २७ लाख १ हजार ६०४ जनालाई संक्रमण भएको छ ।

त्यस्तै १९ लाख ७६ हजार २४८ जना संक्रमण मुक्त भएका छन् भने ८ हजार ९४४ जनाको स्वास्थ्य अवस्था गम्भीर रहेको छ ।

भारतमा सोमवार मात्रै ५४ हजार २८८ जना संक्रमित थपिएका छन् भने ८८० जनाको मृत्यु भएको छ ।