सुदूरपश्चिममा सबैभन्दा धेरै सक्रिय कोरोना संक्रमित, यस्तो छ अन्य प्रदेशको अवस्था (सूचिसहित)

काठमाडौं । नेपालमा हाल ५ हजार ४ सय ४० जना कोरोनाका संक्रमित रहेका छन् । उनीहरु देशका विभिन्न अस्पतालमा उपचार गराइरहेको स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले जानकारी दिए । त्यस्तै हालसम्म १३ हजार १ सय २८ जना कोरोना उपचारपछि निको भएर घर फर्किएका छन् । भने हालसम्म १८ हजार ६ सय १३ जनामा कोरोना पुष्टि भएको छ । कोरोना संक्रमित हुने मध्ये ७० दशमलव ५ जना कोरोना उपचारपछि निको भएर घर फर्किएको प्रवक्ता गौतमले बताए ।

बितेको २४ घण्टामा मात्र १ सय ३० जनामा कोरोना पुष्टि भएको छ ।

हाल नेपालमा रहेका सक्रिय संक्रमितमध्ये सबैभन्दा धेरै सुदूरपश्चिम प्रदेशमा १ हजार ९ सय १८ जना रहेका छन् । भने सबैभन्दा कम प्रदेश नं १ मा १ सय ८६ जना रहेको स्वास्थ्य मन्त्रालयले जनाएको छ ।

कुन प्रदेशमा कति छन् सक्रिय संक्रमित ?

प्रदेश नं १ मा १ सय ८६ जना

प्रदेश नं २ मा १ हजार ८ सय ७३ जना

बाग्मती प्रदेशमा ४ सय ४४ जना

गण्डकी प्रदेशमा २ सय ९४ जना

प्रदेश नं ५ मा ३ सय ५८ जना

कर्णाली प्रदेशमा ३ सय ६७ जना

सुदूरपश्चिम प्रदेशमा १ हजार ९ सय १८ जना