कोरोना संक्रमितको संख्या १७ हजार ८ सय बढी, कुन प्रदेशमा कति ?

काठमाडौं । नेपालमा हालसम्म ५ हजार ९ सय ३६ जना सक्रिय संक्रमित रहेका छन् । बितेको २४ घण्टामा नेपालमा १ सय ८६ जनामा कोरोना संक्रमण पुष्टि भएको छ । त्यससँगै नेपालमा कुल संक्रमितको संख्या १७ हजार ८ सय ४४ जना रहेका छन् । हालसम्म संक्रमण देखिएको तथ्यांक हेर्ने हो भने सबैभन्दा धेरै प्रदेश नं २ मा रहेको छ । हालसम्म प्रदेश नं २ मा ४ हजार ६ सय ३६ जनामा कोरोना संक्रमण देखिएको छ । भने सबैभन्दा कम प्रदेश नं १ मा कोरोना संक्रमण देखिएको छ । प्रदेश नं १ मा ८ सय ४५ जनामा कोरोना संक्रमण पुष्टि भएको छ ।

हालसम्म कुन प्रदेशमा कति जनामा पुष्टि भयो कोरोना संक्रमण ?

प्रदेश नं १ मा ८ सय ४५ जना

प्रदेश नं २ मा ४ हजार ६ सय ३६ जना

बाग्मती प्रदेशमा ८ सय ५९ जना

गण्डकी प्रदेशमा १ हजार ३ सय ९३ जना

प्रदेश नं ५ मा ४ हजार १ सय ९१ जना

कर्णाली प्रदेश नं १ हजार ८ सय २५ जना

सुदूरपश्चिम प्रदेशमा ४ हजार ९५ जना

नेपालमा बितेको २४ घण्टामा देशका विभिन्न २७ वटा प्रयोगशालामा ४ हजार २ सय १६ जनाको पीसीआर परीक्षण गरिएको छ । हाल देशभरका क्वारेन्टाइनमा रहनेको संख्या २२ हजार २ सय २८ रहेको स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले बताए । पछिल्लो २४ घण्टामा कोरोना संक्रमण मुक्त भइ १ सय ७३ जना घर फर्किएका छन् । भने आज सम्म ११ हजार ८ सय ६८ जना कोरोना मुक्त भइ घर फर्किएका छन् । जुन कुल संक्रमितको ६६ दशमलव ५१ प्रतिशत हो ।