यस्तो छ हाल उपचाररत कोरोना संक्रमितको प्रादेशीक विवरण

काठमाडौं । नेपालमा हाल ५ हजार ८ सय २५ जना कोरोना संक्रमित रहेका छन् । बितेको २४ घण्टामा थप ५७ जनामा कोरोना संक्रमण देखिएसँगै कुल संक्रमितको संख्या १७ हजार ५ सय २ जना पुगेको छ ।

हालसम्म ११ हजार ६ सय ३७ जना कोरोना मुक्त भइ घर फर्किएका छन् । बितेको २४ घण्टामा मात्र १०३ जना कोरोना मुक्त भइ घर फर्किएको स्वास्थ्य मन्त्रालयका प्रवक्ता डा जागेश्वर गौतमले बताए ।

देशका विभिन्न अस्पतालहरुमा उपचाररत संक्रमितहरुमध्ये सबैभन्दा धेरै सुदूरपश्चिम प्रदेशमा रहेका छन् । जहाँ २ हजार ३ सय ५२ जना संक्रमित रहेका छन् । भने सबैभन्दा कम प्रदेश नं १ मा ७९ जना रहेका छन् ।

कुन प्रदेशमा कति छन् संक्रमित ?

प्रदेश नं १ मा ७९ जना

प्रदेश नं २ मा १ हजार ८ सय ४४ जना

बाग्मती प्रदेशमा ४ सय ११ जना

गण्डकी प्रदेशमा ४ सय ८ जना

प्रदेश नं ५ मा ४ सय १४ जना

कर्णाली प्रदेशमा ३ सय १७ जना

सुदूरपश्चिम प्रदेशमा २ हजार ३ सय ५२ जना

आज थपिएका संक्रमित कहाँका कति ?

स्वास्थ्य तथा जनसंख्या मन्त्रालयले दिएको जानकारी अनुसार पछिल्लो २४ घण्टामा मोरङका ९ जना, तेर्‍हथुम २ जना, ईलामका १ जना, झापाका १ जना, बाराका १ जना, सर्लाहीमा २ जना, नुवाकोट १ जना, बाग्लुङ १ जना, पर्वत १ जना, गुल्मीका २ जना, पाल्पाका २ जना, दैलेखका ५ जना, सल्यान १ जना, रुकुम पश्चिमका ३ जना, डडेल्धुराका २ जना, बझाङका २ जना, डोटीका ७ जना, कैलालीका १३ जना, कञ्चनपुरका १ जना गरी बितेको २४ घण्टामा नेपालमा ५७ जनामा कोरोना भाईरस कोभिड १९ संक्रमण पुष्टि भएको छ ।